دعوات أمي تتجمع الآن .. تتشكل خرزات ملونة وتصنع لأجلي قطعة زينة صغيرة ، وتوكة شعر ، وصباحات رائعة . أمي تخبرني أنها تحبني وأن الله يحبنا جميعا ، فأحب أمي ، وأحب الله أكثر ، وأسأل لماذا لم يعطني الله أُمين ؟!! وأعود لأقول أن الله أعطاني أماً واحدة .. ولكنه أيضا أعطاني خمس صلوات ، و وقت كثير يكفي لصلوات أكثر ، أمي تردد دائماً بأن الله قريب ، وأنه يسمع جميع الأشياء . أنا أعرف .. الله أخبرني هذا بنفسه ، أخبرني أنه يسمع دعوات أمي و دعواتي و يستجيب أيضاً . الله يهديني ويبعد عني شر الطريق ويقف بجانبي . فعلاً فعلاً يقف بجانبي فأنا رأيت الله بالأمس حين كنت أعبر ، امتدت يده الخضراء و أزاحت التاكسي مسافة بوصتين . أكملت طريقي و حين نظرت جواري مرة أخرى وجدت الله يبتسم لي و امتدت يده ثانية تربت على كتفي .
الآن أصبح فعلا لا إراديا . .
قبل أن أنزل ، أقف أمام المرآة ، شيئ طبيعي ، لأنني بنت ولأن البنات - لمن لا يعرف - يفعلن هذا كثيراً . أقف أما م المرآة ، أضبط وضعية حجابي ثم أجمع دعولت أمي ، أضع الخرز الملون بجيوبي ، ألف الله حولي وأبتسم . أخبر أمي أني سأعود سريعا فتقول :" ربنا يهديكي ويبعد عنك شر الطريق"
22 التعليقات:
ربنا يخليهالك يا منمن
"دعوات أمي تتجمع الآن .. تتشكل خرزات ملونة"
الله ع كلامك يا مني جميل ورقيق قوي
ما احلي خرزات أمي ربنا يشفيها يارب وتفضل دايما تدعيلي ويفضل دايما ربنا معايا وجنبي
ربنا يخليهالك يارب وتفضل تدعيلك دايما ويعطيها الصحة والعافية
وانا من منبرى هذا أصنع لكى بعض الخرزات الملونة الرقيقة وأقول فى هدوء
ربنا يحفظك ويعزك ويوفقك ويعينك يا منى
----
مش بتسألى ليه ؟؟؟
شاب فقرى
السلام عليكم
موضوع جميل
وحروف يستحق عليها الشكر
خالص تقديرى
صديقتى العزيزه
مبروك مدونتك الرائعه
والكلمات التى زينتها والاكثر روعه
ساعود مساء لاضيف الى مدونتك الكثير من الرغى
:)
فراشة
شكرا علي كلامك دا وعلي كل الدعوات دي .. شكرا بجد
ربنا يشفي مامتك وتفضل علطول علطول معاكي
..
شاب فقري
مش عارفه اقولك ايه بجد علي مجاملتك ودعواتك دي .. ربنا يخليك
أنا باجي والله ، أنا جيت آخر مره لاقيت البوست اللي انت قافل عليه التعليقات
عامة .. انا ممكن آجي علي بالليل ان شاء الله
سلام
اللؤلؤة
تعرف .. أنا ماباقرأش تاريخ كتير الصراحه بس باحترم المهتمين بيه جدا
شكرا بجد علي زيارتك الحلوة دي
:)
نور جت نورتني ... هييييه
وحشتيني يا بسبوسه عامله ايه؟
ميرسي علي كلامك ده وآديني مستنياكي اهو
تعالي وارغي براحتك .. براحتك قوي خالص يعني
أقوم بقي اعملك رز بلبن يجهز عقبال ما تيجي
:))
انا متسجلة تأخير صح ؟؟ ها ها قولى قولى ماتتكسفيش
وادى شيكولا عشان مش تزعلى ... نبدأ بقى
بوست شوية جد عجبنى اوووى شبابيك عيونه دى حلوة جدا حسيت الموقف طبيعى اووووى تصدقى انا اوقات بعمله كدا زى ما بتقولى كدا بالظبط
البوست دا بقى عجبنى اووووى ... ربنا يكرمك و يحميكى و يحفظك يارب من كل شر
معرفش ليه عايزة اعيط بعد البوست دة
روحي يا شيخة ربنا يوقف لك ولاد الحلال قولي آمين
:)
كلماتك رقيقه اوى اوى يا منى
وقليل منها يعبر عن الكثير
ربنا معاكى ويوفقك اليومين دول فى امتحاناتك
وربنا يا رب يخليلك مامتك ويطول لك فى عمرها :)
ازيك يا منى
انا روحت مرة واحدة بس طب بشرى القاهرة وكان الدور الرابع تقريبا
وكنت بعمل منظار
مش انا اللى بعمل المنظار ولا كان بيتعملى
دا كان لوالدة واحد صحبى
وكنت مطبق وحالتى بلاء
لو كنتى قريتى البوست كنتى هتعرفى ان شاب فقرى إسمه كريم مش محمد :$
صباح الفل
فقري يتحدث :D
الحمد لله تمام وبخير وزى الفل
المهم شدى حيلك فى الكلية
انا لقيتك عالفيس بوك
بس معرفتش اضيفك :$
المهم
خدى بالك من نفسك وإبقى تعالى أقرى أى بوست كدا وطلى علينا
تحياتى
العنوان :
طب بشرى / القاهرة / الدور التانى
بعد كوبرى الجلاء على شمال محظة البنزين فى الشارع اللى فيه البوسطة وعم عبده البقال :D
شاب فقرى
كريم
ازيكو عاملين ايه؟؟
هاجي تاني ارد عليكم واحد واحد
ماشي ... سلام
:))
جارة القمر
لو كل مره هاتتأخري تجيبيلي معاكي شيكولاته وانتي جايه
يبقي خلاص يا بسبوسه .. اتأخري براحتك :)
انجي
أنا عملتها
مره وانا باكتبه ومره وانا باقراه بعد ماكتبته
:)
أحمد
آمين آمبن آآآآمين
:))
هبه
شكرا .. شكرا بجد علي كل الكلام دا
:)
الشاب الفقري اللي طلع اسمه كريم
وانا علطول كنت باقوله يا محمد
D:
يارب ماتوقعك ظروفك في انك تروح القصر تاني
لا ليك ولا لحد تعرفه
ومعلش فعلا معرفتش أقرأ البوست
وبعدين ايه ده ..
هو عم عبده غير محل اقامته ولا إيه!!
ليكم كلكم كلكم
متشكره بجد علي كل الدعوات دي
أهو في ملك دلوقتي قاعد بيقولكم ولكم مثله ولكم مثله
:))
:) :) :)
Isolde
:):)
:):):)
:):):):)
إرسال تعليق