يتم التشغيل بواسطة Blogger.
RSS

وحيــدون

الوحيدون فقط يبدون غريبي الأطوار


الشتاء هذا العام ليس قاسيا الي هذا الحد ، فلماذا يبدأ من الآن
في ارتداء الملابس الشتويه ، يصنع الكثير من أكواب النيسكافيه
ويضع كوفيته بإحكام حول رقبته !!


بطريقة لا ارادية أصبح يضع يدين بجيوبه ولا ينظر لأحد .
من الممكن ألا يلاحظوا غيابها وأنها ليست هنا الآن ، لكن هل فعلا لم يلاحظوا
أن المقاعد البعيده في الحدائق _بعد أن أصبحت خاليه لقتره طويله _ قد تخلت الآن
عن أماكنها وشكلت تجمعا كبيرا في البقعه الوحيده التي تصلها الشمس .
لم يلاحظوا أن صوت الخشخشه الهادئ ليس لشئ إلا أن أوراق الشجر الذهبيه
قد قررت تبادل الحكايات الصغيره التي كانت تسمعها من قبل
والتي لم تعد موجوده لأن أحدا لم يعد يأتي ....
ألم يلاحظوا فعلا أن الزهور اختفت وأن القمر أصبح شاحبا أكثر من المعتاد !!
يشعر ببرد أكثر ، فيغلق الجاكيت المفتوح .


هي تستيقظ متأخرة ، وتنشغل بأشياء أخري تؤخرها أكتر
ويقولون انه ليس قاسيا إلي هذا الحد ، معهم حق ، هو قاس إلي حد أبعد
أبعد بكثير مما يعرفون ، لكن أي حد هذا؟
قد لا تمطر ثلجا فعلا لكن ماذا تفعل هي في قطعة الثلج هذه والتي أصبحت داخلها
وتأبي الاختفاء بل أنها بمرور الوقت ، تدريجيا ، تزداد ، فتضاعف الاحساس بالبرودة
مما جعلها تبدأ من الآن في ارتداء الملابس الشتويه ، تصنع الكثير من أكواب النيسكافيه
وتضع كوفيتها بإحكام حول رقبتها .


الوحيدون فقط يبدون غريبي الأطوار
والوحيدون فقط يعرفون الطعم المالح للمطر ... ويشعرون دائما بدفء أقل

  • Digg
  • Del.icio.us
  • StumbleUpon
  • Reddit
  • RSS

17 التعليقات:

شاب فقرى يقول...

انا جيت أثبت حضورى

هتعشى واجى اعلق

شاب فقرى

شاب فقرى يقول...

خلصت العشا

اتعشيت والحمد لله

نركز بقى ونقرا ونجهز المنديل لان شكل العنوان بيدل على حالتى

الوحدة القاتمة

جارة القمر يقول...

يا نهار ابيض ... انا اقعد كل دا اصلح فى جهازى عشان اعرف اعلق عند سيادتك دا اسمه كلام دا
مبروك طبعا على المدونة يا قمر جاية متأخرة انا عارفة بس تقولى ايه للكمبيوتر اللعين اللى عندى جاى على مدونتك و مش عايز يخلينى اعلق عندك
هقرأ بقى و ارجع اعلق

جارة القمر يقول...

والوحيدون فقط يعرفون الطعم المالح للمطر ... ويشعرون دائما بدفء أقل

بجد حلوة اوووى يمكن حاساها اوى عشان انا اوقات بحس بالوحدة دى ... مبسوطة انى جيت هنا وانى عرفت اعلق اخيرا

ponpona يقول...

شاب فقري

شكلك نمت ، أحلام سعيده
بس انا عايزه طبق رز بلبن من بتاع الملايكه دا .. ماشي

تصبح علي خير بقي

:)

ponpona يقول...

جارة القمر

لولولولولييي .. ها تحبي تشربي ايه الاول ؟
أعملك قهوه؟ انجي جايبالي بن حلو قوي
استني اما اقوم اعملك واحد واهو بالمره تيجي تونسيني
بدل مانا قاعده محتاسه ف الباثولوجي العجيب ده

وبعدين ما تتريقيش ع الكمبيوتر بتاعك
بلاش اقولك انا بتاعي عامل ازاي .. علطول معترض
يقولي خلاص شطبنا ويروح قافل لوحده
كدهو منه لنفسه بس بيني وبينك أهو أحسن من الخناق
مع محمد طول النهار اصله صلحلي القديم وجابلي واصله
وقالي ياللا علي اوضتك

مبسوطه قوي انها عجبتك بس تعالي هنا في ضريبة تأخير
بصي انت تروحي تقري اللي فاتو وسيبيلي رأيك وانا هارجع أرد .. أوكي

:)

عوده الي الباثولوجي
:(

شاب فقرى يقول...

نفسى اعرف عرفتى منين انى نايم

والله كنت نايم عالكرسى :((

وكنت ناوى اقرا بس ملحقتش

تحياتى وهرجع اول ما اصحى للمدونة لانى مش شايف قدامى

فقرى

شاب فقرى يقول...

وأن القمر أصبح شاحبا أكثر من المعتاد !!



الوحيدون فقط يبدون غريبي الأطوار


أبدعتى فى البوست دا ومش عارف أقولك إزاى

عجبنى اوى التشبيهات اللى مالياه واللى جت فى محلها

والاحساس بالوحدة العالى اللى فى الكلمات والوصف

آسف لكن دلوقتى مش هعرف اكتب حاجة ينفع يترد بيها عالبوست

فسأكتفى بالصمت هذى المرة

شاب فقرى

ponpona يقول...

عرفت منيت انك نايم ؟ عرفت منين انك نايم؟
قرب شويه كده أصل دا سر ... ايه بقي ..
في كائنات مسحوره مستخبيه ف المدونه ولما بتبقي فاضيه وما وراهاش حاجه بتروح تشوفكو بتعملو ايه وتيجي تقولي علي طول


محمد
ميرسي علي كل الكلام دا .. هاتخليني آخد مقلب ف نفسي
:)

Heba Gamal Emara يقول...

بنبونة ازيك
عامله ايه
يا رب تكونى بخير وكويسه دايما
جميله اوى الخواطر دى يا بنبونة
وزى ما قلت قبل كده
متميزة كالعادة
ولا يوجد جديد يضاف

Heba Gamal Emara يقول...

بس ايه حكايه مواد الطب دى
باثولوجى وفارماكولوجى وحاجات كده كلها كولجى فى كولجى
ربنا يعينك ويعيننا :)

ponpona يقول...

أهلا يا هبه

أنا الحمد لله كويسه ومتشكره قوي علي اهتمامك ده
بالنسبه بقي للمواد
فالمقطع ( ology ) اللي ف آخر كل الأسامي دا تيرم لاتيني معناه ( علم)
يعني باثولوجي دي علم الأمراض وفارماكولوجي دي علم الأدويه وهكذا

:)

فراشة يقول...

ويقولون انه ليس قاسيا إلي هذا الحد ، معهم حق ، هو قاس إلي حد أبعد
أبعد بكثير مما يعرفون ، لكن أي حد هذا؟
قد لا تمطر ثلجا فعلا لكن ماذا تفعل هي في قطعة الثلج هذه والتي أصبحت داخلها
---------------
اممممممم مش عارفه اعيط ولا لا
لانك جيتى على جرح الوحده القاتلة
بس مش هعيط اصلي ملقتش دموع خلاص
---------------
أولا كلماتك جميلة وتعبيرات في موضعها المثالي
ثانيا اسمك منى على اسمى كنت فاكرة ان اسمى أنقرض
ثالثا بقى تثريبا انتى بتدرسي طب ماشاء الله
نقول يعنى دكتور منى
--------------

ponpona يقول...

فراشة

لأ ماتعيطيش يابسبوسه
تعرفي .. أنا انبسطت والله ان انتي اسمك منى
أصل أنا بحب اسمي دا قوي .. ممكن تقولي عليها نرجسيه
بس أهو بقي أنا بحب كل حاجه بتاعتي
وبعدين قوليلي يا منى بس من غير دكتور .. أوكي

:)

Heba Gamal Emara يقول...

يا سلاااام يا ست بنبونة
انتى هتتفزلكزى علينا ولا ايه ؟؟ :)
طب ما انا عارفه
انا بس بتتريق :):):)
بهزر معاكى طبعا .........

ponpona يقول...

هبه

هزري براحتك يابسبوسه

:)

Ahmed Fayez يقول...

"الوحيدون فقط يبدون غريبي الأطوار".

أوافق، لكن ليس الوحيدون فقط.


"والوحيدون فقط يعرفون الطعم المالح للمطر ... ويشعرون دائما بدفء أقل".

أوافق (لكن مش قوي)، أنا بحب الوحدة إلى حد ما، لكن برضة بحس بالدفا. يمكن، و بالرجوع للجملة الأولى، لأني من غريبي الأطوار!

إرسال تعليق