يتم التشغيل بواسطة Blogger.
RSS

احتفالية السحابة البيضاء



الحكاية قديمة ولا يصدقها كثيرون ، ويقولون أنها ليست سوي خيالات راو لابد وأنه كان طبيبا أو أنه قد عاش
طويلا وشهد الكثيرون يرحلون دون أسباب منطقية . تقول الحكاية بأن الصغار الذين ذهبوا يجلسون الآن فوق
سحابة بيضاء كبيرة ، يلعبون ويضحكون ، وبأوقات فراغهم فهم يصنعون أحلاما وينثرونها في السماء فيعتقد
من لا يعرف أنها قررت أن تمطر ثلجا هذا العام .
الحكاية تتناقلها أيضا السحابات المجاورة ويقولون أن الحمقي وحدهم سيختبؤن ، لكن من سيحصل علي قطعة
ثلج فإنها ستملئ سماء عرفته بشرائط ملونة يمكنه أن يصنع منها بهجة صباحية أو مخزونا هائلا من الذكريات
السعيدة أو يمكنه بسهولة أن يعيدها أحلاما مرة أخري فتكون هدايا مناسبة لمن ليس لهم أحلاما كفاية هذا العام .
تكتمل الحكاية وتقول أنه يوما ما - سيكون خريفيا معتدلا - وسيبتسم جميع الأباء ويشعرون برضي مفاجئ
وغير مبرر رغم أن الصغار جدا لم يعودوا هنا الآن .. لكن حينها ستبدأ القطع الصغيرة البيضاء في التساقط
ستزداد الأعداد في الطريق .. ويبدأ الاحتفال .

  • Digg
  • Del.icio.us
  • StumbleUpon
  • Reddit
  • RSS

12 التعليقات:

Heba Gamal Emara يقول...

ممكن اعرف انتى بتجيبى الكلام ده منين !!!
حكاياتك لذيذه خالص يا منى بجد

الأطفال أحباب الله يا منى
ويستاهلوا أكتر من كده بكتير

مش كل الاطفال يعنى فى اطفال يستاهلوا الحرق والشنق
عيال عفاريت

Heba Gamal Emara يقول...

ايه ده انا مخدتش بالى
ده انا اول تعليق
هييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه

انا مبسوطة خالص مالص

شاب فقرى يقول...

مش عارف ليه برتاح اما باجى هنا

والكلام حلو

بس مش قادر اعلق

مش عارف فى ايه

احساسى مش موجود

روحى مازالت هناك

سلام

فقرى

شاب فقرى يقول...

صباحك ورد

:)

انا بعشق الشخصية دى

بحس ان فيه منها كتير اوى


بس بيطلع وقت اللزوم

يعنى للى بيفكر يغدر بيه

بتحول للشخصية الشريرة دى

اللى مميز فى الشخصية

ان اى شر بيطلع منها بيكون فى شكل دهاء ومكر واضح جدا

وكمان بيكون شر خالص وصافى وبيكون انتقامى من حد زعله مثلا او عمل معاه موقف مش تمام

وفعلا روحه لسه فيها نور مش انطفى

صباحك ورد يارب :)

ويارب يكون يوم زى الفل حلو كدا ويفرحك

فقرى

غير معرف يقول...

انا قريت دة قبل كدة
يمكن وانا فوق
على الكرسي اللي جنب شباك السحابة بتفرج ع الناس

قلم رصاص يقول...

تحية لقلمك الرفيع

دمتي على خير

أحمد الشمسي يقول...

جميل يا منى!
أنا قلتلك قبل كده ان كتابتك تنتمي لعالم محلق؟
لا؟
طب كتابتك تنتمي لعالم محلق!
:)

ponpona يقول...

هبه

ياسلام لو واحد من الأطفال
اللي بتقولي عليهم عفاريت دول سمعك دلوقتي


هههههه

ponpona يقول...

شاب فقري

ولا يهمك ..
المهم انت عامل ايه دلوقتي ؟
يارب تكون كويس
وميرسي علي الصباحات لحلوه دي .. والله انبسطت

:))

ponpona يقول...

مصطفي

حضرتك قاعد فوق وسايب مذاكرتك ليه .. هاه؟
مش عندك امتحانات .. طيب انزل بقي شوف وراك ايه
وبطل فرجه علي الناس

:))

ponpona يقول...

أحمد

أنا قولتلك قبل كده ربنا مايحرمني من طلتك الحلوه دي؟
آه ؟
طيب هاقول كمان مره ..
ربنا مايحرمني من طلتك الحلوه دي

;)

ponpona يقول...

قلم رصاص

تحيه ليك .. تحيه كبيره كبيراااا
مره لأنك نورتني ومره لان اسمك قلم رصاص

:)

إرسال تعليق