إليـها
لأنني أفتقدها جدا ولأنها الآن تقضي العيد بعيدا بعيدا
لأنني أفتقدها جدا ولأنها الآن تقضي العيد بعيدا بعيدا
أنا أضع الآن نجوما زرقاء صغيرة بسماء الغرفة كي تحرس لياليك وأضمن أن بدايات نهارك ستكون سعيدة . سأملأ الجو نسيما هادئا وأضع سحابات بيضاء ، وأعلق أيضا في الفراغ بالونات هيليوم بتركيزات مختلفة .. ما رأيك ؟ سأرسم لكي قوس قزح علي الجدران ، قوس قزح مختلف ، انحناءته ستكون لأعلي فيمكنك ببساطة رسم عينين لامعتين كعينيكي هذه ويتحول إلي وجه مبتسم ، يمكنك أيضا استعارة ألوانه فتصنعي منها رداءا واسعا تمتد إلي المسافات البعيدة أطرافه تماما مثل الملكات . فضعي الآن زهرة وردية علي حافة النافذة واخرجي إلي العالم ، اكتبي تذكارات صغيرة علي بالونات الهيليوم وابعثي بها إلي الأصدقاء . ولا تخشي علي شيئا بعد الآن صديقتي فعالمي الصغير ينعم بهدوء أكثر طالما أنت هنا .
20 التعليقات:
بونبونايه
دى خاطره زىالبنبونى كدا
رقيقه وبتخلص بسرعه واحنا نتمنى انها تستمر اطول من كدا
كل سنه وانتى طيبه
بونبونايه
انا جيت تانى
يارب فقرى مايضربنيش عشان اخدت اول وتانى تعليق
بس ايه حبك فى اللون الازرق
ورد ازرق
بالونات زرقاء
وصف رائع بجد
والله موش مجامله
انا صحيح بدخل مدونات كتير بس فيه حاجات بتلمسنى اوى
زى بوست وحيدون بتاعك دا
كنت كل مااقراه اعيط
ومكنتش بعلق قبل كدا
تصبحى على خير
انا جييييييييييت
وحشتينى يا منمن والله
ايه الكلام الجمييييييييل دا
احساسك جميل قوووووي والله
طيب ممكن بالونة من دول ليا نفسي ف واحده قوي
عيد جميل وسعيد عليكي يارب
يا بختها .....
ممممممم بتحبى حد غيرى يا منى كدا برضو :(
طب فين قوس قزح بتاعى انا بقى مش ليا دعوة انا عايزة واحد :(
كل سنة وانتى طيبة يا جميلة
معلش يابونبونه
الاول كل سنه وانتى طيبه
ثانيا هاتيلى ودن هبه عماره اشدها
اللى مابيتمكر فيها حاجه دى
البت دى مصره تستفزنى
يابت اومال انا بعمل ايه بالنسبالك
جايه تقوللى يابخت بونبونه بصحبتها
يابت اومال انا ايه شوال بطاطا
وربنا لماشى
ماشى ياهبه
بونبونه
والله يابت انتى عسل
وانا بموت فيككى
واما اجى القاهره المره الجايه هشوفك ان شاء الله وهبه لا
بس
هه
:)
بوست جميل وتقريبا دى اول مره اجى هنا وبجد نورتى عالم التدوين وبكلمك ومن قلبى بتمنى انى متبقاش اخره مره اجى هنا وعلفكرا عاجبن اوى الكلمه اللى about me
لانها فيها كتير اوى من ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر
جميل الخيال اللي في النص، وإن كان مش جديد. انت أكيد واعية ان النص ما نقدرش نقول عليه قصة قوي لكنه مع ذلك خاطرة جميلة.
حاجة كمان عايز اقولك عليها:حاولي ما تكرريش مفرداتك.
كل سنة وانت طيبة
بالمناسبة هو انتي بتذاكري في العيد كمان ولا إيه؟
سكرة
اهلا بيكي هنا علطول
زرونا تجدوا ما يسركم ..... تاتاتاتاتاااااا
:)
فرشة
انتي بقالك كتير مش بتيجي ليه؟ يارب تكوني كويسه
بالنسبه للبلالين .. اختاري اللي تعجبك يا سمسمه
:)
هبه
يا بختي انا
جارة القمر
أنا لفيتلك واحد قوس قزح وبعتهولك بالسحاب بتاعه كمان
أي خدمة :)
زهرة
عارفه لو جيتي القاهره ومشيتي من غير ما شوفك ..
هازعل قوي قوي جدا خالص يعني انا باقولك أهو
:)
أمير الحب
شكرا ليك قوي جدا خالص بردو منورني والله
وميرسي علي كوووووول الدعوات دي
:)
أحمد يا شمسي
والله بانبسط لما بالاقيك هنا ، انت عامل ايه؟ كويس؟
طيب الحمد لله ان انت كويس .. انا كمان كويس ومبسوط رغم اني مش عارف ليه
أنا عارفه انها ماتنفعش قصه باي حال من الأحوال ، انا اصلا مش كاتباها عشان تكون قصه وكل سنه وانت طيب يا أحمد إلا قولي صحيح .. هو انا ممكن اسأل سؤال؟ طيب .. هما ليه بيقولو كل سنه وانت طيب!! اشمعني يعني طيب تحديدا !! يعني بقيت السنه نبقي شوريرين يعني.. حاجه غريبه والله . ليه مانقولش كل سنه وانت مبسوط ؟! بيتهيألي مبسوط أحسن . أنا كل ما سأل حد يقولي ماعرفش احنا طلعنا لاقيناهم بيقولوا كده معرفش هما طلعوا فين الصراحه ولا مين اللي بيقولوا دول بس أهو أنا بقي لحد مايبانلي صاحب هاقول كل سنه وانت مبسووووووووط
بالنسبه بقي لمذاكرة ... عاااااااااا :(
بقالي تلات تيام مسافره ولله الحمد مافتحتش فيهم كتاب بس خلصت فيهم نص روايه أطياف لرضوي عاشور ولسه جايه أهو المفروض بقي اروح اتلم واشوف ورايا ايه
كل سنة وانت مبسوط يا أحمد
:))
على فكرة انا ابتديت اقتنع انك بتعرفى تعملى الحاجات دى بجد
بجد انا مقتنعة انك بتعملى الحاجات الخارقة دى...
كل سنة وانتى كويسة
انجي
ازيك يا بسبوسه عامله ايه؟
طيب ماهو الحاجات دي ممكن تتعمل بجد
سوبر هيرو أنا ...
ههههههه
:)
((
ولا تخشي علي شيئا بعد الآن صديقتي فعالمي الصغير ينعم بهدوء أكثر طالما أنت هنا .
))
بس كدا
كريم
هو بس كده فعلا
:)
إرسال تعليق