يتم التشغيل بواسطة Blogger.
RSS

لا تأتي



الخطأ خطؤك !!
أنت لا تأتيني في الحلم و أنا لا أعرف لماذا ؟ أصدقائي جميعا يأتون ، ندى تأتي و مها و سلمى و منار . حتى حنين التى لا أعرفها جيدا جائتني في الحلم مرتين . ألعابي القديمة أيضا تأتي تعطيني ضحكة صافية وقلب أبيض و ترحل والقمر على شكل هلال يأتي والشمس . الشمس تأتي و قد رسمت عينين واسعتين وابتسامة أوسع بالظبط لتشبه الشمس التى أحب رسمها ، حتى الامتحانات والناس الذين لا أحبهم يأتونني في الحلم .. تخيل !! . حينها لا يكون حلما رائعا ولكنه في النهاية حلم ، وهم - الامتحانات والناس الذين لا أحبهم - رغم أن علاقتى بهم سيئة جدا إلا أنهم يأتونني و أنت لا تأتي .

تعرف .. في كل ليلة أغمض عيني و أبتسم . أخبرك أني بخير و أني أفتقدك . أقول سبحان الله وبحمده سبحان الله العظيم ، سبحان الله وبحمده سبحان الله العظيم ، سبحان الله وبحمده سبـ.. أنام !! . في كل مرة أنوي أن أكمل تسبيحي للرقم مائة أتبعها بعشر لذكر اسمك الإفتراضي لكني أنام . لا أكمل تسبيحي للمائة ولا أذكر اسمك . ألهذا لا تأتي ؟ هل أنت غاضب مني ولا تأتي لأنني بكل مرة أنام قبل أن أذكر اسمك ؟

ولكنني بالأمس ذهبت إلي النوم مبكرا .. مبكرا جدا . كي أحظى بالوقت الكافي لأنهي تسبيحي ولأذكرك ، وبالفعل أنهيت تسبيحي و بدل المائة أكملت لمئتين وبدلا من العشرة ذكرتك حتى عشرين وربما أكثر فقد اختلط مني العد ولا أذكر تحديدا وصلت لكم ولكن بالتأكيد لم يكونوا أقل من عشرين ومع هذا لم تأت . لماذا فعلا لا تأتي ؟ أفكر الآن أن أغضب منك وأن أكف عن التفكير في الأمر بأكمله ولكن سؤالا واحدا يلف بعقلي ، لا أستطيع أن أمنعه ولا أستطيع أن أجد له إجابة .. ألا يكفى أنك لا تأتيني في الحقيقة فهل تستكثر على أن تأتيني في حلم ؟




  • Digg
  • Del.icio.us
  • StumbleUpon
  • Reddit
  • RSS

15 التعليقات:

Ahmed Fayez يقول...

المفروض الكلام على مين هنا؟؟

ponpona يقول...

وينر

هنا في بنت بتكلم الولد الإفتراضي اللي لسه مجاش واللي هي ناوية تحبه .. الفكرة ببساطة انها متضايقة أنه مش موجود في الحقيقة لانها لسه ماقبلتش حد تحبه وكمان مش بتحلم بيه . دا اللي انا قصدته من آخر جملة " ألا يكفى أنك لا تأتيني في الحقيقة فهل تستكثر على أن تأتيني في حلم ؟ "

أتمنى أكون قدرت أشرح وجهة نظري :)

ممكن تقرأ تاني وتقولي رأيك :))

غير معرف يقول...

:) احب اقولك يا منمونتى ان انا وانتي عندنا توافق افكار عجيب

بجد انا انبهرت لما قريت البوست

فكريني اوريكي اللي انا كتبته امبارح:)

شكل الامتحانات ابتدت تأثر فعلا...اهو شكل ايجابي برضه انها بطلع طاقتنا الابداعية مش كده:))))

دمتى مبدعة

أه حاجه اخيرة علي جنب كده انا مش هتنازل عن انك بوست عني..ايون عني انا..يعني انا متواضعة وعارفة انك ببتمتحنى فهعفو عنك واجله..هو مش لازم بوست لحسن انا عارفاكي:)
هبه

ponpona يقول...

يا سلاااام يا هبة

بوست واحد بس !! ، واحد ماينفعش .. خليهم بوستين
واحدة ع الخد ده و واحدة ع الخد ده هو أنا يعني عندي كام هبه ;)

Ahmed Fayez يقول...

أول التدوينة كان بيقول كدة.
بس لما بدأتي في التسبيح قولت إيه اللي دخّل المواضيع في بعض!!
إيه علاقة التسبيح و بعدين تقولي اسم عشان ييجي!! لم استسغها.

ملحوظة: بتتأخري في الكتابة. التأخير مش في صالحك :)

ponpona يقول...

وينر

حصل خير يا فندم ..
نحطلك بوست تاني غير اللي عاملك لخبطة ده D:

ملحوظة :
عندي مذاكرة و امتحانات كتير كتير كتيييير
ادعيلي بس يعدوا على خير .. هو دا اللي مخليني باتأخر في الكتابة
:)

Ahmed Fayez يقول...

ربنا يوفقك.

ponpona يقول...

:)

أحمد حلمي يقول...

حصل معايا كدا زمان ايام ثانوي،
بس هي كانت بتيجي قليل اوي،ولما دخلت الجامعة بطلت تيجي (عارفين ليه طبعا)
بس من كام يوم جت في الحلم وكاني اول مرة اشوفها واتعرف عليها بس في اخر الحلم سيبنا بعض قمت قلبي مجروح بجد.

اسف علي الاطالة لكن الكلام حرك جوايا مشاعر كتير اوي.
شكرا يا بونبونة علي كلامك الرائع.

Ahmed Fayez يقول...

تاج من أجلك أنت.

http://winner-for-ever.blogspot.com/2010/05/blog-post_15.html

ponpona يقول...

أهلا أحمد

هي أكيد أكيد مؤكد يعني وحتما بطلت تيجي عشان مجموعها في ثانوية وداها جامعة تانية بعيد فالمشوار بقى طويل وصعب عليها .. صح ؟ قولي أنا صح ;)

طول براحتك يا سيدي ولا يهمك .. وسلامتك من الوجع

:)

ponpona يقول...

WINNER

شكرا لك .. شكرا جدا :))

Rana يقول...

جميــــــلة يا منى أوي
و كتير بحس الإحساس ده

بنتمني ناس تيجي في الحلم بس مش بتيجي برضه
:) :)

عاجبـــــــاني يا فتــــاة :)

ponpona يقول...

انتي كمان !
أنا مش عارفة نعملهم ايه الناس اللي مش بيرضوا يجوا في الحلم دول :(

غير معرف يقول...

ايه ده انا ازاى مش عملت بوست هنا ؟؟
انا فاكر انى علقت على النوت دى قبل كده

دى تقريبا من احسن تلات حاجات انت كتبتيهم
نوت تحفة بجد حلوة جدا
:))

حسام

إرسال تعليق