يتم التشغيل بواسطة Blogger.
RSS

قوس فرح


هيييييه أنا !!
كنت أرتدي يومها فستانا قصيرا برتقالي اللون
أستندت على الكرسي المجاور للنافذة وأرتفعت قليلا للأعلى
أزرق بنفسجي نيلي أخضر أصفر برتقالي هيييييييييه أنا أهو

_ خطأ !! ليسوا هكذا ، أنت تستبدلين الأزرق بالبنفسجي و البنفسجي بالنيلي و النيلي بالأزرق و أيضا نسيتي الأحمر

أمي كانت تهتم كثيرا للحقائق و أنا كنت أهتم للون فستاني . لم أكن أعرف الألوان السبعة بالترتيب و صراحة لم أكن أعرفهم كلهم .. دائما كنت أنسى لونا أو اثنين ، و لم يكن هذا يهمني . ما يهمني هو أن السماء فيها قوس ملون به لون برتقالي كلون فستاني . التفت إلى أمي وقلت لها أن اسمه برتقالي لأن له لونا مثل لون قشرة البرتقال الناعمة ..صح ؟ تبتسم أمي و تهزر رأسها أي صح . واسمه قوس فرح لأنه مفرح .. صح ؟ تضحك أمي وتقول أن اسمه قوس قزح وليس قوس فرح . قوس قزح ؟! لا أفهم ماذا تعني قزح ؟ كلمة غريبة و ليس لها معنى ، سأسميه قوس فرح ، قوس فرح يبدو أسما أجمل و له معنى أيضا . تضحك أمي أكثر . أغضب . أتركها و أستند ثانية إلى الكرسي ، أرتفع و أغني .

كنت سمعت لأطفال يلعبون في الحديقة المجاورة ، كانوا يشيرون إلى شجرة البرتقال ثم إلى أنفسهم و يقولون أنا برتقانة مدورة حلوة قوي مسكرة قشرتي ناعمة حرير و فيا فصوص كتير . كانت المرة الأولى التى أسمع فيها هذه الأغنية و أعتبرت هذا اكتشافا عظيما فأيقظت أبي و أمي و جدتي ليسمعوا . أبي نظر إلى بغيظ لأني أيقظته بسبب لا شئ و أمي ضحكت علي .. دائما كانت تضحك علي , أما جدتي فكانت تعرف الأغنية و أخذت تغني معي . جدتي كانت تتعرف كل شئ تقريبا و لم تكن تضحك علي . لم تضحك حين أقول قوس فرح و لا حين أغني بصوت عالٍ ولم تضحك حتى حين كنت أريد أن أصبح بطيخة ليكون لي لونان أخضر و أحمر . و حين سألتها عن قوس فرح وكيف يتكون قالت أنهم يقولون أنه نتاج مرور الضوء الأبيض عبر قطرات الماء فيتحلل إلى ألوانه السبعة .

ضوء أبيض يمر عبر قطرات الماء و أيضا يتحلل !! كيف ؟ .
نظرت إلى جدتي بدهشة و قلت لا أفهم . قالت أنها لا تفهم أيضا ولا تقتنع بهذا . ماتقتنع به هو أسطورة قديمة تقول أن قوس فرح في الأصل في الأصل كان قلبا أبيضا لولد طيب أحب سحابة صغيرة في السماء . كانت كلما حزنت السحابة بكت فتنكسر قطعة من قلب الولد وتتفتتت إلى ألوان . كانت الألوان تبهجها قليلا فتكف عن البكاء وتضحك . و منذ هذا الوقت ونحن نرى قوس قزح حين تمطر .

لازلت أذكر جيدا ردة فعلي ساعة أن أخبرتني بهذا . حينها قفزت من فوق الكرسي و احتضنتها بذراعين صغيرين جدا وأخبرتها أنها أحسن جدة في الدنيا و ذهبت إلى أمي وحكيت لها ما سمعته من جدتي و حكيت لأبي و لمدة اسبوع في المدرسة كنت أحكي لكل من يقابلني حدوتة قوس فرح .

و حتى الآن بعد أن عرفت كيف يمر ضوء أبيض في قطرة الماء و كيف يتحلل لازلت مقتنعة أن اسمه قوس فرح و أنه في الأصل في الأصل كان قلبا أبيضا لولد طيب
.


  • Digg
  • Del.icio.us
  • StumbleUpon
  • Reddit
  • RSS

11 التعليقات:

WINNER يقول...



جميل.
حكاية حلوة.

قزح تقريباً هو الشيطان، و كان فيه سبب لتسميته كدة بس مش فاكر دلوقتي.

زمان كنت بحب الأقلام الجاف الشفافة المضلعة، كانت بتعمل ألوان الطيف لما الشمس تيجي عليها :)


ponpona يقول...

أهلا يا وينر
اسم وينر ده حلو على فكرة أنا قلتلك كده قبل كده ؟
ممممممم ماقولتلكش ؟ طيب اسم وينر دا حلو على فكرة :)

و بعدين طبعا طبعا لازم الحكاية تبقى حلوة
أومااال ايه ؟ هو أنا أعمل حاجة وحشة أبدا
D:

شوية جد بقى
قزح يعني شيطان ؟ طيب ليه ؟

WINNER يقول...



شكراً يا منى.

و على فكرة أنا قولت قبل كدة إن كتاباتك جيدة جداً (أنا مابحبش أقول ممتاز)، و أنا مابجاملش حد، بدليل إنك لما كتبتي موضوعين أقل من المستوى قولت إنهم ماعجبونيش علطول. و أرجو تستمري في كتابة الحاجات الحلوة دي.


بالنسبة لتسمية قوس قزح، شوفي التسمية في ويكيبيديا:

http://ar.wikipedia.org/wiki/%D9%82%D9%88%D8%B3_%D9%82%D8%B2%D8%AD


ponpona يقول...

و أنا ببقى مبسوطة برأيك علطول يا أحمد
و ببقى مبسوطة أكتر لما حد بيقولي ان في هنا خلل ما

شكرا ع اللينك
تصدق أول مرة أعرف انه من غير المستحب ان احنا نقول عليه قوس قزح

:)

شاب فقرى يقول...

للأسف مش عارف أقرا
تحياتى
شاب فقرى

ponpona يقول...

و لا يهمك يا كريم
وقت ماتبقى عارف تقرأ ابقى تعالى
المهم انت أخبارك ايه؟

صوت من مصر يقول...

بقالى فترة مش قريت قصه قصيرة معناها حلو كده

ponpona يقول...

أهلاااان
فينك يا راجل من زمان
بقالك فترة كبيرة قو ماجتش
يارب تكون بخير :)

مبسوطة قوي ان القصة عجبتك

:)

Hosam يقول...

انا بصراحة كنت داخل بتلكك علشان اعمل كومنت
علشا اخر دعوة بتاعة المرة اللى فاتت
استجيبت على طول وحصلت حاجة بسطتنى بجد
كنت مستيناها بقالى فترة
بس ده لا يمنع ان القصة جميلة اووى
و الحمد لله خرجتنى من الزهق اللى انا كنت فيه

بس انا جدتى للاسف مش كانت بتعرف تحكيلى حواديت
كان بابا وعمتى هما اللى بيحكولى حواديت بس كانت جميلة اووى

:) :) :)

شكرا على القصة الرائعة دى
وشكرا على الدعوة بتاعة المرة اللى فاتت
وبصراحة انا عايز واحدة تانية ... طمع بقى
:D :D :D :D :

ponpona يقول...

أهلا بيك وبتلاكيكك يا حسام

مبسوطة ان القصة عجبتك .. :)
بالنسبة بقى للحواديت فانا ماعشتش مع جدتي اصلا
وماحدش كان بيحكيلي حواديت .. في الغالب انا اللي كنت باحكيها لنفسي

الحمد لله ان انت خرجت من موود الزهق اللي كنت فيه
وبالنسبة للدعوة ... ربنا يسعد أوقاتك كلها .. قول آمين
وبعد كده الدعوة بخمسين قرش على فكرة D:

Rana يقول...

جميـــــــــــلة أوي يا منى
رجعتني بنوتة صغيورة عايشة في عالم الأحلام البريئة

:)
متخيلاكي كنتي الطفلة دي يا منى
برائتك تدي كده برضه :D:D :))

إرسال تعليق