يتم التشغيل بواسطة Blogger.
RSS

أسباب لا يفهمها آخرون وتبدو مقنعه



حرق
الحرق الصغير بباطن ابهامه لم يعد يؤلم ، لكنه حتي الآن لا يريد الرحيل
ويصر بطريقه غريبه علي لون أبيض يختلف عن لون الجلد الأصلي..
لماذا لا يكون للحرق لونا أبيض ؟!


تغيرات
الصوره القديمه لازالت تنظر اليه وتضحك ، تستند علي الرف وتضحك
رغم أنه لم يعد هذا الصغير ، فهو لم يعد يضحك ولم يعد له شعر أسود ناعم
ولم يعد أيضا كما يقولون بأن له قلبا أبيض .... تبدلت الألوان ، لكن يبدو أن الصغير
لم يعرف بعد فلا زال ينظر اليه ويضحك


أحمر سخيف
الحمقي وحدهم يشترون ورودا حمراء ، ولو فكروا قليلا لاكتشفوا أنه ليس هناك أسوأ من هذا
الجروح حمراء ، العيون التي تبكي تبدو مرهقه وتبدو حمراء ، كما أن إشارات الخطر دائما حمراء
فلماذا فعلا لا يشترون ورودا بلون آخر.... بيضاء مثلا ، الأبيض يخبرك أنه لم يرتكب خطأ من قبل
والأبيض لا يخفي شيئا .... الأ بيض لون مناسب تماما لأن يكون وردا


قميص رمادي
يعجبه اللون الرمادي ويعجبها الأزرق أكثر فيعجبه . هي تقول أن الرمادي ليس محددا
ليس إلي هؤلاء ولا إلي هؤلاء ، في حين أن الأزرق يعطيك مساحه أكبر للتأمل
وهو يري أن الرمادي فقط متحفظ بعض الشئ ولا يعطي آراءا بسهوله ، لكن الأزرق أيضا
لا بأس به ويمكنه فعلا أن يعطيك مساحه للتأمل ثم انه يعجبها أكثر وهذا وحده كفيل جدا لأن يعجبه


فستان سماوي
هذا تقريبا هو المحل العاشر ولم تجد بعد ماتريد . كانت هنا منذ يومين .. يومين فقط والآن اختفت
العروسه الصغيره كانت جميله وكانت ترتدي فستانا سماوي قصير رسمت عليه أوراق شجر صغيره
ونحله ملونه تجلس عند طرفه وتبتسم . لكن أمها لا تفهم كل هذا وتقول أنها بنت متعبه ولا يرضيها شئ
هي ليست متعبه إلي هذا الحد ، ويمكنها فعلا أن ترضي ، لكن بعروسه جميله وترتدي فستان سماوي قصير
رسمت عليه أوراق شجر ونحله ملونه فلماذا لا تفهم أمها أمرا بهذه البساطه؟!



  • Digg
  • Del.icio.us
  • StumbleUpon
  • Reddit
  • RSS

21 التعليقات:

ponpona يقول...

لماذا لا يكون للحرق لونا أبيض ؟!

معلش المفروض السؤال يبقي كده

لماذا يكون للحرق لونا أبيض ؟!

:)

هلوسة آخر الليل معلش

Heba Gamal Emara يقول...

اهلا بيكى يا بنبونة
انا برضه لما قريت الجمله قلت ان اكيد فيها حاجه غلط
بس ولا يهمك
انا بعتلك رساله على الفيس بوك ابقى ادخلى اقريها وحطيت بوست جديد ابقى ادخلى اقريه كمان
جميله اوى القصه يا بنبونة
استمرى....أستمرى ..استمرى ....
ها اقول تانى ولا خلاص

عمرو يقول...

بس هو الحرق لونه أبيض أساسا يا بنبونة؟ حاجة غريبة والله.. أنا على فكرة صريح قوي ومش باحب أجامل النص ده ماليش عليه تعليق يعني مش شايف فيه حاجة وحشة لكني ما تفاعلتش معاه زي النص الأول
يوم جميل
:)

enjy يقول...

لماذا يكون للحرق لونا ابيض؟؟؟

ولماذا يكون للفقد ابتسامة حالمة وتنهيدة حارة وبعض الذكريات ذات الطعم الاذع على حلاوته؟؟؟

ولماذا يكون للاماكن رائحة الاشخاص وصورهم..لماذا يكون للاوقات ذكرى واحدة لاتتغير وفى كل مرة تمنحك لحظات من النشوة الغير حقيقية ولكن السعيدة رغم انتهائها؟؟

والاهم...لماذا يكون للالم ذلك التسامح الغريب وبسمة العيون الذابلة التى تشى بصدق عميق؟؟

الصورة القديمة لازالت تضحك..ولازلت تؤلم..الصورة القديمة تجعل الاخرين يتساءلوا..انتى كنتى بتضحكى قبل كدة؟؟؟...الصورة القديمة تجعل الحمقى يجرحوا صاحب الصورة..ايام ماكانت ضحكتك حلوة...الصورة القديمة لا تعى ما تغير ولن تعيه..الصورة القديمة داخلها كائن يختلف ...الصورة القديمة ليست سوى صورة قديمة..

القميص الرمادى لا يعبر عن اى شىء..فقط يجعلك تتماهى مع ما حولك..يخفيك عن الانظار..الازرق يجعلك ملكيا..الازرق يجعلهم يبتعدون..الازرق يجب ان يعشق..

اما عن العروسة ذات الرداء السماوى..فرانشيسكا بتسلم عليكى وبتقولك ممكن ماما انجى تروح تجيبلك واحدة زيي عشان تفرحى يا بونبونة..

معرفش ليه تخيلتك شبه العروسة ام فستان سماوى..انتى لست صعبة الارضاء..فقط مختلفة

بحبك يا بت يا بونبونة انتى...على فكرة حلوة فكرة ان مفيش انتريه..ايوة كدة يا شيخة خلى فى براح ومكان واسع وكدة..عندك قهوة وللا اجيب معايا بن؟؟؟

اوكاى زمانى جاية ومعايا مجموعة اغانى لمحمد منير..اغانى كلها مبهجة..وبن عشان نعمل قهوة..وعروسة بفستان سماوى..وطلاء اظافر اى لون تحبيه وهنعمل قعدة بناتى..نيااااااااهاهاهااااااا

بس لو سمحتى متعزميش بقى عمرو ومصطفى سمير...اوكاى؟؟

يللا افتحيلى الباب بقى

ponpona يقول...

هبه

قراتها يابسبوسه وكل حاجه بقت تمام ;)

ponpona يقول...

عمرو

لماذا لا يكون للحرق لونا أبيض ؟! ..
الجمله دي أصلا مكتوبه غلط وانا عدلتها ف أول كومنت
وانا مبسوطه بيك كده ياعمرو ... مش لازم تيجي تقولي انه حلو ، قول اللي انت شايفه
حتي لو شايف ف مره ان اللي كتبته لا يصلح لشئ تعالي قولي كده

عمرو
أنا أتعلم و أنا أهتم لرأيك
ولأني أهتم للاثنين ( عمرو ورأيه ) فأنا احب الصراحه

يسعد صباحك
:)

ponpona يقول...

انجي

كل الكلام اللي انتي قولتيه دا صح جدا قوي خالص يعني

تعالي يابسبوسه وهاتي معاكي بن ومنير وعروسه وكل حاجه
وهاتي معاكي سحلب كمان أصلي نسيت والشتا جي
والشتا ماينفعش من غير سحلب

بالنسبه لعمرو ومصطفي ... هانعزمهم كمان أومال ايه اخواتنا بردو
بس هنقعد احنا ف الأوضه اللي فيها البلكونه
وياخدو هما الأوضه اللي ع الشمال أصل فيها شبابيك بس
هههههههه

بالنسبه لموضوع ان انا شبه العروسه ام فستان سماوي
فاحب أقولك انها أكيد أموره قوي وأنا شخص عادي
انجي
أنا فعلا شخص عادي حين يستيقظ يبتسم للدنيا ويخبرها أن صباح الخير
وقبل أن ينام يبتسم أيضا ويتمني لها ليله سعيده
:)

ponpona يقول...

حاجه تانيه
انتي ازاي مش معاكي مفتاح !!
أنا حاطه صنوق كبير ع الباب
عليه أساميكو كلكو وفيه مفتاح لكل واحد

:)

enjy يقول...

ايييييييييييييون اهو...

ايون خلاص لقيت المفتاح يا بونبونة اصلى كنت بحسبه تحت الدواسة معرفش انه جوة الصندوق

نيااااااااهاهاهااااااااا

على فكرة انا لازم اجرب اقول للدنيا صباح الخير اول ما اصحى وتصبحى على خير قبل ما انام

لازم لازم لازم....بس يارب افتكر انا حاسة ان الطقس دة حلو اوى وهيغير جوايا حاجة...ادعيلى افتكر اعمله على طول

يا بونبونة يا اوختشى مينفعش عمرو ومصطفى ييجوا الحفلة احنا هنهيص بقى ونشغل نعنااااااااع الجنينة...ساعتها هيقولوا ايه؟؟؟؟ صورتنا ممكن تتهز

نيااااااااهاهاهاهاااااااااا

يللا يا اوختشى انا هروح اتغدى وبالليل هنزل بوست احكى فيه حاجات كتير ابقى تعالى اعرفى بقى كل الحاجات والمحتاجات

يللا سلام

شاب فقرى يقول...

الحرق
ذو اللون الأبيض

للأسف لم أعد أذكر منذ آخر مرة إحترقت فيها يداى
لم أعد أتذكر شكلا للحروق
فقط أتذكر آلامها
أتذكر كيف كنت لا تحرق جلدى فقط
بل روحى أيضا

الصور القديمة
هى جنود لأشخاص مقربون منا يحاولون إيهامنا بأننا لم نعد نحن
بأننا تغيرنا
بأننا لم نعد نحبهم
بأننا لم نعد نحن
.... إنها حقيقة
فلقد تغيرنا
الصور لن تدرك ذلك
ولكن يكفى أن البعض أدرك تلك الحقيقة
دع الصور تضحك
ودع عيونك تنظر للحاضر

الورود الحمراء
دوما حلمت بأن أهديها ورودا حمراء
تعبر عن شغفى بها
عن حاجتى إلى الحب
عن جراح روحى الملتهبة النازفة التى تشتاق إلى من يداويها
تنتظرها
ولكن
لما لا أفكر فى منحها ورودا بيضاء
تمحى الماضى
تكون بلون المستقبل لحبنا
تكون فى طهر حبنا وبراءة قلوبنا

اللون الرمادى
حتى وإن أعجبها
كيف يفقد هويته كيف يتنازل عن أجمل القمصان ؟
كيف ينسى ذكرى ذلك القميص
كيف ينسى ذكرى اللون الرمادى
إنه لا يحب الأزرق
حسنا ... لن يخلع القميص ويبدله اليوم :)

الأباء والأمهات يرون ما هوا مناسبا أو يجعلون كل ما يحبونه مناسبا لاولادهم
أو هكذا يظنون

تحياتى عالبوست

ولنا عودة مرة أخرى

شاب فقرى

ponpona يقول...

انجي

جربي كده ، وانتي هتلاقي الدنيا بترد عليكي .. آه والله
أنا رحتلك ومش لاقيت حاجه لو ماقرأتهوش قبل مانام
هابقي أقرأه بعد بكره واحطلك كومنت لأني مسافره بكره
:)

ponpona يقول...

انت يا شاب يافقري تعالي هنا ... انت عامل ايه ؟ كويس؟ طيب الحمد لله اسمك مميز جدا علي فكره
بص أنا مبسوطه قوي من تعليقك دا ليه ؟ ليه ؟ لأن الكلام ببساطه بيقول ان في وراه دماغ
انا دخلت المدونه عندك ولاقيتها زي بتاعتي قولت هييييه بصره :) وقرأت آخر بوست انت حطيته ففرحت أكتر ، فرحت مرتين / مرتين غير الأولانيه بتاعة البصره..
المهم أنا فرحت ليه بقي؟ لأنك حد مجتهد قوي والمجتهد ربنا بيبقي معاه علي طول دا أولا ... ثانيا بقي لأن انت مشغول جدا زي مانت كاتب ومع ذلك اهتميت انك تحطلي كومنت طويل عريض وكمان حلو ، عارف .. فكره ان في حد أخد من وقته شويه عشان يديني رأيه دي كبيره قوي عندي

ياشاب يافقري
ميرسي ليك بجد وابقي تعالي تاني أنا هاعملك مفتاح واسيبهولك باسمك ف الصندوق اللي جنب الباب دا

آه .. ماقولتليش ... انت عرفت هنا منين ؟ هه؟ منين؟ اعترف
:)

ponpona يقول...

لأ استني تعالي تاني معلش
انت كمان حططتني ف شريط اللينكات عندك !!
قولي بقي .. حكايتك ايييييه؟

:)

شاب فقرى يقول...

الحمد لله الشاب الفقرى تمام وبخير ولسه عايش

وناوى يغير بكره

انا متواجد عالنت اربعة وعشرين ساعة بمعنى الكلمة

انا كل تلات شهور تقريبا بحرق جزء من الجهاز من كتر اللى بيحصل عالجهاز

اه شغال عالنت

وعشان كدا بكون على طول فى اول تعليق

وطبعا انا بكتب تعليقات طويلة لان الكلمات اللى بقراها هى اللى بتلهمنى

يعنى اللى قريته هوا اللى ألهمنى أكتب

عرفت هنا منين

مش فاكر والله

بس انا النهارده دخلت ست او سبع مدونات اول مرة اشوفهم فى النت

وكانت منهم مدونتك

وما شاء الله السته ممتازين بشكل رهيب بس مفيش تعليقات عندهم ولا زيارات

ابقى شوفى البوستات القديمة عندى
انا مش فاتح المدونة دى من زمان من فترة مش كبيرة

قبلها كنت بكتب فى مدونة تانية وقفلتها

شكرا على نسخة المفتاح

اكيد هحافظ عليها

تروحى وترجعى بالسلامة من السفر

خالص التحية والتقدير

ولنا عودة إن شاء الله دوما مع كل بوست جديد هتلاقينى أول تعليق

ومهما الواحد انشغل مينفعش ينشغل عن تنميه ذاته وانه يتابع العقول اللى بتفكر

من بين الست مدونات الجداد اللى دخلتهم النهارده رديت على تلاتة بس لان مش كل العقول ممتازة او كلامها يحمل هدف وعقليه فى الحياة

تحياتى ولنا عودة

شاب فقرى :)

شاب فقرى يقول...

حطيت اللينك بتاعك فى شريط المدونات عندى وفى برنامج ال rss عشان اتابع الجديد باستمرار واكون متواجد مع كل بوست جديد

لان عجبنى التفكير وطريقة التفكير

:)

وعجبنى البوست ولنا عودة :)

شاب فقرى

أحمد الشمسي يقول...

انبسطت قويييي جدا خالص لما عرفت انك عملتيها ووسعتي دايرة نشاطك :)
يعني خيرا هنعرف نقرالك حاجة غير التعليقات.
معلش انا لسه جاي من السفر فمش هقدر اكتب أو أعلق على حاجة لاني مش شايف قدامي

قلت آجي أباركلك، وتقدري تعتبريني من الزوار المستديمين

بالمناسبة هو الترتيب المكتوب في البروفايل (مصطفى أو عرو أو الشمسي) حسب ترتيب الظهور؟ :)

ponpona يقول...

أنا هاجي هنا تاني أرد عليكم
بس أصلي كنت واخده نص ساعه بريك م المذاكره وخلاص خلصت

:)

ponpona يقول...

الشاب الفقري :

ربنا يخليك وانت رافع من معناوياتي علي طول كده

:)

ponpona يقول...

هيييييه ... أحمد جه

حمد لله ع السلامه ، وانت عامل ايه دلوقتي؟
أيون يا سيدي .. الترتيب المكتوب ف البروفايل هو ترتيب الظهور
أو علي رأي العايدي "بترتيب التورط "
:)

أحمد
أنا سيبالك واحد زبادي دانون ف التلاجه ابقي خدها

سلام

Isolde يقول...

علي فكرة، انا هاروح اتخانق مع عمرو و ارجعلك تاني، و بعدين تعالي هنا، ايه حكاية زبادي دانون دي،ها؟ و اشمعني احمد بس يعني، احنا مالناش ولا ايه، طيب هنا مفيش زبادي دانون، اعمل ايه انا بقي؟ عااااااااااا

ponpona يقول...

Isold

هاتتخنقي مع عمرو ليه بس يا بسبوسه
هو كسر العروسه بتاعتك ولا مش راضي يغير
ع المسلسل ومصمم ع الماتش؟
فيه ايه بس .. العبو مع بعض دا انتو اخوات :)


مافيش عندكو دانون ... ازاي دي بقي
قوليلي بقي ان مافيش فريوز أناناس كمان
حاجه غريبه والله

ياللا مش مهم انتي بس كل ماتبقي عايزه حاجه قوليلي وانا ابعتهالك :)

وبعدين ياستي أنا جبتلك واحده فريوز وكمان واحده شيكولاته ..

متصالحين ؟ أوكي ;)

إرسال تعليق