يا حنين .. كـلُك يؤلم .
قطعة الروح التي لا تكف عن الارتعاش ، و أطراف الأصابع الباردة ، و القلب الممتلئ إلى الحافة بالغياب .. الكل يؤلم . ربما هذا مايؤلم أكثر ، أن يمتلئ قلبك بالغياب حتى يفيض . حينها يضغط الغياب رئتيك ويمنحك نوبات متتالية من صعوبة التنفس و نسبة أقل من الاكسجين بدمك وطبيب لا يفهم كل هذا ، لا يفهم . تحاول إخباره أن الأمر ليس كذلك و أنك لا تعاني ضيق الشعب الهوائية كما يقول و لا تسكن المرتفعات و لا تعاني أياً من أمراض القلب التي يذكرها و لا تفهم منها شيئاً ، تخبره أن مايؤلمك هو الحنين و إشارة " هناك " الدائمة التي تحل محل الـ " هنا " . لا يفهم أيضاً و يصر على اعطائك حفنة من الأدوية لا علاقة لها بشئ . تأخد الأدوية و تقرر التخلص منها عند أقرب صندوق يتسع ثم تترد و تعود ثانية لالتقاطها ، ربما في غفلة من الحنين مكنك مبادلتها بحضن كبير و دافئ .
15 التعليقات:
يا حنين .. كـلُك يؤلم
ايوه حعلق هنا وهناك
:)
فى كتابات من كتر مابتكون قريبه بتكون بجد حنينه
شكرا تانى وتالت يابونبونه
Unique
بيؤلم قوي
بس المفرح مرورك يا ست البنات ,, أهلا بيكي علطول :)
يا زهرة علقي زي مانتي عايزة
تعليقك بيفرحني قوي على فكرة وانتي عارفة :)
كتييير بنشتاق لناس نحبهم بعدو عنا لاى سبب
اس اكيد ان شاء الله هيرجعوا و حنديهم كل الحنين اللى احنا حوشناه فى حضن كبييييييييييييييييييييييييييييير اووى
:) :)
حلوة اووى يا منى
هبقى اكتب للعيان اللي عنده صعوبة في التنفس .. حضن كبير دافي.
:)
بتتأخري ليه عشان تكتبي حاجة جدبدة؟
الدراسة!!؟
حسام :
يارب يا حسام يارب .. ربنا يسمع منك
بس عارف .. ساعات المشكلة بتبقى في ان عندك حنين لأشياء أخرى / احساس ما ، مكان ، كلمة ، ومانتش عارف تتخلص من الحنين ده ازاي .. بس أكيد احنا محوشين لكووول الحاجات دي حضن كبير .. كبير قوي
:)
أحمد :
انت مكن تبقى دكتور شاطر و تكتبله علاج لو عيان و تبتسمله و هو ماشي هاتبص تلاقيه هو كمان ردgك الابتسامة من قلبه قوي ، الابتسامة اللي من القلب دي لوحدها حضن كبير ليكوا انتوا الاتنين :)
بالنسبة بقى للكتابة فمش عارفة .. ساعات مش ببقى عارفة أكتب حاجة خالص خالص وافتح الصفحة البيضا قدامي وافضل أبصلها وتبصلي رغم ان الكلام في دماغي مش ببقى عارفة أكتب بردو ، مالهاش علاقة بالدراسة لأني ساعات حتى ببقى في الأجازة ومش عارفة أكتب .. مالهاش علاج دي و النبي يا دكتور ؟
D:
العلاج: اقري.
كل ما اقرا أحس إني عاوز أكتب.
جرّبي.
:)
فيه طريقة تانية .. اوصفي.
اوصفي يومك من وقت ما صحيتي لحد ما نمتي. ناس لقيتيهم في الطريق. حاجة شوفتيها في التليفزيون. موقف حصلك زمان.
الوصف أسهل من الخيال، و بيعمل تنفيث للكتابة المحبوسة.
أنا علطول بقرأ بصفة مستمرة
و بالنسبة لاني اقوم بوصف يومي زي مانت بتقول كده او وصف ناس فيه او مواقف فانا باعمل ده فعلا بطريقة لا إرادية مني
طيب يبقى ايه المشكلة بقى
المشكلة ان الوصف ده و كووول الكلام ده بيبقى في دماغي
يعني ممكن ألاقيني بوصف حاجة في دماغي كده بلغة عربية سليمة مش عامية
و رغم ذلك بردو ماعرفش أكتب من اللي في دماغي ده ولا كلمة ، و لا كلمة
تقدر تقول في فترات باستقبل فيها كل الـ impulses اللي حواليا ، بطريقة أو بأخري
و فترتات تانية باقدر أعبر فيها عن كل الـ impulses دي
المشكلة في الوقت اللي بتاخده كل فترة
في الغالب الفترة الأولى بتبقى طويلة
تفتكر أعمل ايه ؟
اعملي شاي. و اعمليلي معاكي.
:)
يمكن انتي طبيعتك كدة. فيه ناس بتكتب على فترات متباعدة. عادي. المهم لما تكتبي تركزي و تكتبي حاجة كويسة.
ملحوظة: اهتمي بتنسيق النص. و إضافة صور للموضوع شئ مشجع على القراية.
المضمون اللي بتكتبيه رائع. لكن الشكل برضه مهم و محتاج عناية.
حاضر
:)
حلوة قوي يا مني
تسلمي يا ريم و يسلم مرورك :)
عن نفسى هقوله اتغطى فى السرير ياابنى كويس الجو شتاء
وهقوله بردوا متفتحش اى شباك عندك فى البيت عشان جو مصر معتدل الحراره صيفا ودافىء شتاءً
هههههههههه
اول مره ادخل هنا وقريت دى والقصيده الاخيره
ان شاؤء الله ابقى اقراهم كلهم لو عيشنا ياعنى
د/ احمد طه شلبى
إرسال تعليق