يتم التشغيل بواسطة Blogger.
RSS

خفة حقيقية

الضحكة المشبوكه بطرف قميصه ترفض حتي الآن أن تنفك


أنت تعود من هناك متأخرا ... لكن كان لابد أن تعود ، فمن يذهب لابد له أن يعود
اليوم انتهي لتوه ، لكنك تراه بعيدا ، لأنك وببساطه تتعامل معه منذ البدايه
علي أنه ذاكره ... ذاكره وتود الاحتفاظ بكل بتفصيلاتها ، حتي أنك عن دون عمد
كنت تجمع الابتسامات ... تخرج الأشياء من جيوبك .. المحفظه ، النقود ..
الأوراق وتذاكر المترو وتضع بدلا منهم حصيلتك الهائله من الابتسامات

كنت تفرد ذراعين علي اتساعهما وتحضن الهواء ، تغمض عينيك
وتتمني أن تقف الفراشه الجميله والتي تطير حولك منذ فتره ...
تتمني أن تقف للحظه واحده علي كفك ، تلتقط لها صوره
ثم تطير بعدها كيف تشاء .

تحاول أن تفهمهم رغبتك في أن يتركوك لتقف علي هذا الارتفاع
_ والذي يبدو مناسبا _ فمن هنا يمكنك أن تري القاهرة كلها ،
أنت لاتفهم سبب خوفهم ، فما ستفعله ليس خطيرا إلي هذه الدرجه
التي يتصورونها أنت فقط ستفرد ذراعيك ثانية وستطير .. لأنك كنت تشعر
بخفه حقيقيه وتتمني لو أنها تمطر


يلتقطون الصور وتصيح أنت "ماتتحركوش ... أشوف الصوره الأول !! "
كنت تحفر الصور بعقلك وتطلب إعادتها مرة أخري إذا بدا فيها أن أحدا منهم
لا ينظر مباشرة إلي الكاميرا والغريب أنهم كانوا فعلا يطيعونك ولا يتحركون
عند انتهاء الصوت " كليك " لكن حين تقول " خلاص أوكي .. حلوه "

ولأن ابتسامتك الآن .. من الودن دي للودن دي ، فأنت ترفض أن تخلع ملابسك
لأنك وجدت بكل جيوبك زهورا بيضاء صغيره والتي كانت هي ما جمعته من ابتسامات
فالابتسامات الرائقه تتحول تلقائيا إلي زهور بيضاء صغيره تنمو مع الوقت
وتصنع بقلبك طاقه ضوء أبديه... ألا تعرف هذا ؟ ... حسنا .. أنت الآن تعرف


أنت تبتسم وترفض أن تخلع ملابسك ... والضحكة المشبوكه بطرف قميصك أيضا
ترفض حتي الآن أن تنفك .

  • Digg
  • Del.icio.us
  • StumbleUpon
  • Reddit
  • RSS

16 التعليقات:

شاب فقرى يقول...

مساء الخير

حاولت افهم

هقرا تانى وارد :)

تحياتى
شاب فقرى

شاب فقرى يقول...

ومازالت الضحكة مشبوكة بطرق قميصه
ومازال يجمع الإبتسامات
والفراشة تدور حوله
يجذبها النور
ولا تخشى الإحتراق


تحياتى

شاب فقرى

Heba Gamal Emara يقول...

ازيك يا بنبونة
عامله ايه
متميزة كعادتك
مفيش جديد اقوله
:):):):)
يا رب دايما
بس انتى كويسه انا بقالى كذا بوست مبشوفكيش عندى
يا رب تكونى بخير
مستنياكى عندى :)*

ponpona يقول...

الشاب الفقري

انت كده بالظبط فهمت
الفراشه تحب النور والفراشه لن تحترق لانها ستطير ثانيه
هو فقط يريدها أن تقف علي كفه ثم تطير

شرفتني

ponpona يقول...

هبه

أنا الحمد لله كويسه بس هو ضغط الكليه والمذاكره
مبسوطه ان البوست عجبك

:)

حيـــــاة .. قيد التنفيذ يقول...

الفكرة فى البداية حيرتنى
بس اعترف لك بالبراعة
:)

احب هذا النوع من السرد
يشوق القارىء ويمتعه وهو يقتنص الفكرة من بين السطور


لك منى كل التحية
:)

شاب فقرى يقول...

شكرا لآخر تعليق كتبتيه عندى فى البوست السابق

بجد غير وجهة نظرى فى حاجات معينة

بس مش قدرت ارد عالتعليقات كلها

لأنى من الناس التى لا تجد معنى للأسف أو لللوم أو للعزاء

تحياتى :)

شاب فقرى

أحمد الشمسي يقول...

جميل هذا الألق يا منى
كتابتك تنتمي إلى عالم محلق

ponpona يقول...

ها ... عاملين ايه كلو تمام؟ طيب كويس الحمد لله

أنا لسه جايه م الكليه حالا آه وربنا حاجه بسيطه خالص قوي يعني ..
كليه من 7 الصبح لحد 8 بالليل يعني حاجه كده ساعه زمن ;)

هاجي بكره ان شاء الله لأني حاليا مش شايف قدامي

:)

عمرو يقول...

أهلا بنبونة
أنا قريت بس مش مجمع
هاقراها بكرة تاني وأقول رأيي
:)

ponpona يقول...

حياه
أنا عندي كلمه واحده بس حسيتها اول ما قريت الاسم

هو انتي اسمك مكسور قوي كده ليه :(

ponpona يقول...

الشاب الفقري

عارف ايه مشكلة الأسف واللوم والعزاء...
لا معني لهم تقريبا .. لأن اللي حصل حصل
وكلمة البقاء لله بقدر ما تواسي بقدر ما تذكر
بأن هناك فقد لكنها أبدا لا تعيد

ponpona يقول...

احمد

انت قولت بالظبط كلمتين
بس ما تتخيلش بسطوني قد ايه

:)
:)

ponpona يقول...

عمرو

أنا مستني أهو ، وبكره أكيد هيجي يعني

أومال هو اسمه بكره ليه :)

فراشة يقول...

ايه دا انا موجوده ف البوست اهو شايفين انا الفراشه دي والله هههههههههههه


بجد من كتر اعجابي بالاسلوب قريت المدونة كلها ف يومين

ماشاء الله ربنا يحميكي يارب

حسيت البوست دا اوي بجد

ponpona يقول...

فراشة

ابقي تعالي هاتلاقي هنا فراشات كتير
أصل أنا عامله جنبنة ياسمين بره .. هههههه

متشكره ليكي قوي بجد علي كلامك ده
وعلي انك رجعتي قرأتي المدونه كلها

أقولك علي حاجه
أنا كنت ناويه أعملك مفتاح بس شكلك كده
مش هاتحتاجيه لانك ف الغالب هاتتدخلي من الشباك
ماهو انا عمري ماشوفت فراشه داخله م الباب
هههههه

..

إرسال تعليق