لأن إضافة كلمة صغيرة مثل (سعيدة ) إلي ضمير بسيط هو ( أنا ) يعتبر حدثا رائعاً .
فإن إضافة الكلمة ( جداً ) إلي الكلمتين السابقتين هو حدث يستحق الاحتفال .
فإن إضافة الكلمة ( جداً ) إلي الكلمتين السابقتين هو حدث يستحق الاحتفال .
-
حضرتي .. أنا يعني ʚϊɞ
- ponpona
- كائن بسيط يكفيه جدا فنجان نيسكافيه ليعود إلي حالته الطبيعية ويكتشف بداخله حنينا مفاجئا لأشيائه الصغيرة
Copyright 2009 شوية ورق. All rights reserved. Powered by Blogger
Presented by Travel Luggage, Austin Hotels, SharePoint, Designed by Dedicated Server Hosting.
Presented by Travel Luggage, Austin Hotels, SharePoint, Designed by Dedicated Server Hosting.
25 التعليقات:
كل سنة وأنتِ سعيدة جداً جداً جداً
كل سنه وانتى بخير
فين إيزولد بقى عشان تجيب شيكولاتة أمريكاناني وزهرة تجيب كولا وأنا آكلهم كلهم إحتفالا بالحدث العظيم ده
:)
كل سنة وأنتي طيبة
ويارب يارب دايماً سعيدة ومبسوطة
دوماً وأبداً
Happy New Year 2010
باشا وصوت من مصر
يا أهلا وسهلا بيكم في بلوجي المبسوووووط
كل سنة وانتوا بخير كتير كتير كتيييير
:)
عمرو
ازييييك :)
ايه دا بقي ، انا أعمل حفلة وانت تاكل الشيكولاته والكولا وكلهم كلهم وأنا ماليش حاجة!! ، أومال أنا عامله احتفال ليه بقي ، حاجة غريبة والله !!
عامة أيزولد أنا لسه شايفاها علي فيس بوك ، احنا رحنا نتغدي وزمانا جايين وهانجيب شيكولاته كتير كتير ابقي تعالي بقي عشان تاكلها كلها كلها واحتفل براحتك هو انا يعني كل يوم هابقي مبسوط ;)
زهرة كمان زمانها جاية ، ماهو ماينفعش نحتفل من غيرها
وإلا انت اللي هاتتدبس في الكولا .. هع هع هع
حاجه كمان
شايف اللينك اللي فوق دا اللي سايباه آنجل
ادخل عليه هاتلاقي بلالين وصواريخ وحاجات كده بتنور في السما
ودبدوب مسمسم عمال بيتنطط ويقولك هابي نيو يييييير
:)
آنجيل
أنا مبسوط مبسوط مبسوووووووط
كل سنه وانتي طيبة يا بسبوسة ، حلو قوي اللينك اللي انتي حاطاه أنا قعدت ألعب وافرقع في البلالين واقول هييييييه واتفرج علي الصواريخ والحاجات اللي بتنور وارجع تاني أعمل ريبلاي والعب من تاني وندهت كمان لمروة أختي قعدت لعبت شوية .. آه والله
ميرسي يا بسبوسة ، ميرسي قوي جدا خالص يعني
:):):):)
انا جيت اهو... انا لسة مش اتغديت :(
بس عموما انا مش هانزل كلمة عمرو الارض، الشكولاتة عليا، بس انا اللي هآكلها...
يا رب دايما يا بونبونتي فرحانة و سعيدة جدا جدا جدا...
:)
ايه دا يا أيزولد لسه ماتغديتيش !!
تؤ تؤ تؤ ماينفعشي كده خالص ، يلا يلا روحي اتغدي وتعالي . ولا اقولك .. بدل المشورة تعالي اتغدي معايا هنا ، أو ممكن نسيبنا من الغدا دا خالص ونقضيها شيكولاته
:))
انا كمان جيت اهو
يا رب دايما سعيده جدا جدا جدا جدا و تعملى احتفالات كتير كتير كتير
انا كمان قعدت العب بالبلالين والصواريخ اللى فوق :)
وهجيب لكم البيبسى انا بقى
اصل انا لما نجحت جبت بيبسى ولما طلعت الرخصه جبت بيبسى ولما بفرح بحب افرح كل اللى حواليا واجيب لهم بيبسى ....:):):)
عدى لى انتى بقى عايزة كام كانزايه وبلغينى بالطلبيه على طول :):)
هبه جت ... ياحلولي ياحلولي
حلوة البلالين اللي فوق دي .. صح؟ انا بردو قلت كده
بالنسبه بقي لكانز البيبسي ; استني بقي كده أما أعد
واحد ، اتنين ، تلاته ، اربعة ، وسعي كده يا أيزولد شوية في حد قاعد مش باين من وراكي ، يبقيوا كده كام؟ آه .. وكمان في ناس هناك واقفين علي جنب و... !! هو انا وصللت لرقم كااام؟ أنا اتلخبطت . نعد من الأول تاني : واحد ، اتنين ، تلاتـ .. ييييييه كده بقوا كتير قوي ومش عارفه أعد وبعدين عمالين يتحركوا ، طيب اهو انا عديت آنجيل مرتين . بصي انتي تجيبي كتير كتير وخلاص ولو خلص نبعت نجيب تاني
ههههههههههه
اوك يا عسل وهاه حتى يبقى cheaper by the dozen
:):):):)
بونبونة اعملي حسابي في البيبسي :) علشان أنا مدمنة بيبسي :))
ربنا يسعدك دايماً ويدخل الفرحة لقلبك يارب :)
على فكرة عجبتني جداً الطريقة اللي انتي كاتبة بيها الاحتفال :)
هبه
ههههههههههه
وياتري بقي الجزء الأولاني ولا التاني ;)
علياء
حاضر
اعملك حسابك في عشرتااااشر كان بيبسي
وكمان واحدة فريوز من عندي :) :)
طيب أنا جيت أهو
أحط التورتة فين بقى
مش عارف احتفال إية دة اللي محدش فيه فكر يجيب تورتة
وشوكلاتة كمان عشان اللي خلصها عمرو
الشمع ؟؟
آخخخخخخ دي حاجة تتنسي برضه ؟
طيب احنا حنحط ابتسامتك في النص وحواليها شوية تدوينات من هنا
حيعملوا شغل حلو
كل لحظة وانتي مبسوطة
مش مبسوط
: )))
مممم
نحط التورته فين؟ نحطها فين؟
ثواني كده ...
ممكن نجيب الترابيزه دي في النص ونحط عليها التورته
بس مين هايجي يشيل قصادي الترابيزه بقي D:
مصطفي
انا مبسوطـ(ـة)
:) :)
جميل جدا ان نراكى سعيدة ومبسوطة ومبتسمة
و جدا تضيف رونق خاص للسعادة
وكان الدنيا قد اتفقت فى هذا اليوم ان تكف عن العابها الشريرة وترسم على شفتيكى ابتسامة هادئة
أدام الله تلك السعادة
شاب فقري
:) :)
يا نهار أبيض
فيه هنا حفلة فيها صواريخ وبلالين وانا ما اتعزمتش!
ليه؟
مش مهم ولا مش مهم
طب حيث كده أن هضيف كلمة "زعلان" لضمير "أنا" ونشوف الحدث ده يستاهل ايه!
ياااااارب أيامك كلها تكون أنا سعيدة :) جدًا
بس أنا اللي جبت التورتة :)
اللـــه
أحمد وابراهيم هنا
:):):)
:):):):)
أحمد
ايه مش مهم دي هاه؟ قال مش مهم قال !!
يللا يللا ... اتفضل سيب كان البيبسي اللي في ايدك دي وتعالي شيل قصادي الترابيزة ولا انا هاشيلها لوحدي يعني
استريح بقي شويه وتعالي علق معايا الزينه بردو ، باحاول اعلقها من الصبح ومش عارف :(
;)
إبراهييييم ... معايااا
بس انا مش معايا حاجه علي فكرة ;)
كويس ان انت جيت ، تعمل ايه بقي ؟ تعمل ايه؟
ماهو انت لازم تشارك في حاجه ، جبت تورتايه آي نعم بس لازمن لازمن بردو تشارك في حاجه ، أقولك .. تعالي شيل الترابيزة دي قصاد أحمد ، ماهو مش معقول يبقي انتو الاتنين هنا والليدي اللي هي انا يعني تشيل الترابيزه D:
حاجه كمان
ابقوا علقوا الزينه انتو بقي ، انا مش هاعمل حااااجة
:))
مع بساطة الكلام إلا إنه بيحمل فكرة فعلاً محزنة.
لحظات الفرح لقلتها بقت تستدعي الاحتفال لأنها بتيجي كل فين و فين.
طب ليه ما تبقاش السعادة هي الحالة الأساسية، و الأوقات المحزنة تبقى ضيف ثقيل يمر من السنة للسنة!
أنا بحتفل فعلاً بلحظات السعادة، بحاول استغلها كويس لأني ماعرفش ممكن تيجي تاني امتى. ممكن أخرج اتفسح، اتغدى مع أصحابي، أتوقف عن المذاكرة و اشوف فيلم أو أقرا كتاب بسيطة، أو ممكن أقرا مواضيع في مدونة جميلة زي دي.
إرسال تعليق