يتم التشغيل بواسطة Blogger.
RSS

صغيرتي والكلمات الجديدة



تجمع كل يوم كلمة جديدة ... أو كلمتين ، وإذا حالفها الحظ يكن لديها جملة كاملة في المساء . اليوم كانت تحاول التقاط كلمة جديدة فتشب قليلا للأعلي وأتعجب أنا كيف تحفظ توازنها فوق صوابع عشرة دقيقة جدا مثل هذه ، تحاول أكثر وتنجح في أن ترتفع مسافة بوصة كاملة لكن الكلمة سقطت بعيدا عنها حين غادرتُ الحجرة إلي الصالة . تنظر إلي بخيبة أمل ، فأعود وأحملها . تصرخ بأصوات فرح كثيرة لا أستفهم منها سوي اسمها وكلمة " بابا " و كلمة أخري من اختراعها هي ترادف في قاموسنا كلمة " مبسوطة" . ابتسم وأشاركها أصوات الفرح فصغيرتي الآن تملك سنة كاملة وبضعة أشهر وكثير كثير من الكلمات .



  • Digg
  • Del.icio.us
  • StumbleUpon
  • Reddit
  • RSS

16 التعليقات:

هبه يقول...

يااااااه...هو انا ممكن اكون موجودة فى اليوم ده يا منمونتى...يا تري هتخليها تقولي ايييييه؟...طنط هبة..لا..لا..خليها تقولي هبة بس...او اقولك تقولي..تقولي..بسبوسةةةةةة....هتوحشيني يا بسبوسه...دي ليكي انت يا مني

منمنمات نادرة يقول...

حلوة وفيها احساس الامومة الجميل
:)

شاب فقرى يقول...

انا عشت الاحساس دا من قبل
ولكن دا مش معناه تراجع عن ان رايى فى ان ما تكتبينه يرسم عالم لم استطع يوما ان احلم به :)

احساس جميل وهادىء ورائع وتشعر معه بنعومة الكلمات كالحرير
مع ان بعض الكلمات خرجت عن السياق مثل كلمة صوابع

لكن كلامك لا مجال ليه للنقد الادبى لانه فوق النقد الادبى بمراحل :)

واحساسه عالى

ادعو لكى الله بان يتحقق حلمك كما كتبتيه :)

او اجمل بكثير مما كتبتى

تحياتى

شاب فقرى

ponpona يقول...

هبه يقوووووول ...

يا حلولي يا حلولي :)
هبه جت بلوجي ياجدعان لولولوليييييي
بنت يا هبه .. ابقي تعالي كتير كتيير :)

أنا قولتلك ان انا بحبك قبل كده .. صح؟
آه ؟ ... طيب هاقول تاني ، فيها حاجة دي !!
بنت يا هبه .. أنا بحبك :):):)

ponpona يقول...

منمنمات نادرة :)
أهلين وسهلين وتلات أربع سلامات
وكمااااان واحد نيسكافية .. أي خدمة
إزيك بقي؟ كويسه ومبسوطه كده:)
حلو اسم منمنمات نادرة دا علي فكرة
منمنمات نادرة .. منمنمات نادرة ..
يعني حاجات نونو كتير وحلوة صح ؟
أصل أنا بحب الحاجات النونو دي زي عنيا :)

ponpona يقول...

شاب فقري

رأيك أن كلامي فوق النقد بمراحل
وأنا أحترم رأيك ، لكني أختلف معك
وهما علمونا ايه في المدرسة؟؟؟
اختلاف الرأي لاااا يفسد للود قضية D:

أهلا بيك وبرأيك علطول يا كريم
:)

غير معرف يقول...

بنت يا مني انت عارفة انا مش اعرف اعبر عني...على فكرة دي المرة التالتة(وش مكسوف)

هبه

ponpona يقول...

هبه

:):):):)

أحمد الشمسي يقول...

جميلة،
رقيقة كنسمة صباحية،
عذبة كإحساس أم.

بس العنوان وحش قوي يا منى
:))

ponpona يقول...

أحمد

:):):):)
دول عشان الكلام اللي انت قلته

بالنسبة بقي للعنوان
أنا بردو مش عاجبني .. بس ماكنتش لاقيلها عنوان
كتبتها وبعدين مابقيتش لاقي لها عنوان :(

enjy يقول...

يالهوى....انا مبتسمة حتة ابتسامة دلوقتى؟؟؟مش هتتخيليها الا لو شفتيها

انا مبسوطة اوى دلوقتى..اوى اوى..اوىىىىىىىىىىىىىىىى

انا مش عارفة اوصفلك بس انا عارفة لما تسمعى او تقرى حاجة وجسمك يقشعر؟؟ اهو انا حاسة بكدة

انتى اسعدتى يومى يا منى...انا بجد مبسوطة والله العظيم قسما..

التدوينى حلوة بغباء..حلوة فعلا..الاحساس دة عمرى ما كنت هحسه كدة من اى كلام

انتى بونبونة وانا بحبك

وزعلانة منك عشان مش بتيجى وتقولى رايك عندى..

علياء يقول...

simple and full of meanings :)

ده اللي حسيته لما قريت.. بسيطة وجميلة ومبهجة :)

* سوري علشان بتأخر عليك يا جميل ;)

ponpona يقول...

انجي
أنا عارفه ان أنا مقصرة معاكى
بس معلش بقى ... شوية امتحانات وخلاص خلاص خلصوا
وانتى عارفه ان انا بحبك ... صح؟
عارفه يابنت ولا مش عارفه؟

;)

ponpona يقول...

علياء
تعالي وقت ما إنتي عايزه ياسمسمه
احنا فاتحين اربعة وعشرين ساعة وفي ديلفري كمان :))

Heba Gamal Emara يقول...

جميلة أوى أوى يا بنبونة
و مش لاقيه كلام اقوله غير انها عجبتنى


اوى
اوى
اوى

شكلك كده مش مصدقانى صح ؟؟!!

عــــــــــــــــجــــــــــبـــــــتـــــــنــى

ponpona يقول...

مصدقاكي
مـصـدقـاكـي
مــصــدقـاكـي

مش مصدقة ان مصدقاكى
طيب أهو حتي شوفي يابسبوسة

مـصـــدقـــاكـــي :):):)

إرسال تعليق