لم يصل طولها لأبعد من ركبتي . هاجرالصغيرة التي لم يتجاوز عمرها السابعة حين تراني تجري نحوي وتلف ذراعين صغيرين حول ركبتي ولا تكف عن التنطيط حولي ، أنصحها أن تهدأ قليلا ، تضحك وتقول : " لأ .. أنا شقية وبحب الشقاوة " . هي تحب الشقاوة وأنا أحبها . تجمع الأولاد والبنات و " يللا هانلعب استغماية !! " ، " طيب الأمة فين؟ " تضع إصبعا بفمها وتفكر ، تنظر إلي كمن وجد التائهة ثم ببساطة تشير نحوي وتقول : " هنا .. الأمة هنا " . هي تترك كل الأماكن وتختار الكرسي الذي أجلس عليه ليكون هو الأمة . الصغيرة تغافلهم وتختبئ خلف الكرسي ، خلاويص ... خلاص ، وبعد خلاصهم هذه تظهر من خلف الكرسي ، تمسك بي وتقول " ع الأمة " ، تقولها بميم ممطوطة وتشبك بطرفها ضحكة صافية .
هاجر تتعب من الجري واللعب تجلس في حجري " ها .. هاتحكيلي إيه النهاردة ؟؟ " ولم يكن ببالي شيئا يصلح . فبما سيفيدها إن حكيت عن خوفي المبهم من أشياء لاتعرفها أو أني قلقة لأن صديقتي - التي لاتعرفها أيضا - ستسافر بعيدا . هذا ما كان ببالي وبالتأكيد هو لايصلح . أتهرب من مهمة الحكي وأطلب منها أن تحكي هي اليوم وأنا سأستمع . تحكي عن الحصان البهلوان الذي لايطيع أحدا و يخبر الجميع دائما بأنه مميز وأنه أفضل منهم ، تقطع حديثها وتقول " هو مش كده غلط ؟ مش احنا لازم نسمع الكلام ونبقي شطورين " . اضمها إلي وأخبرها أنها صحيحة ، أضع قبلة علي خدها فتنظر إلي وتبتسم ثم تكمل الحكي ، تنتهي وحدها وتبدأ أيضا وحدها وتحكي عن عوالم أخري غريبة ، تحكي عن أرنوب وثعلوب والفيل فلافيلو . تنفعل وتتغير نبرات الصوت ، وتتألم جدا حين يرفض فلافيلو أن يستضيف أرنوب لديه يوم أن أمطرت وتهدم بيت الأخير لكن تعاود الضحك في النهاية حين يقوم ثعلوب بخداع فلافيلو الذي نال جزاءه ووقع في شر أعماله .
الصغيرة تبدو في عيني كبيرة جدا حين تسأل عني لأنها لم ترني مدة يومين وتخبر أختي أن قولي لها " إن أنا زعلانة هي ماجتش النهارده كمان ليه؟ ولا أقولك ، بلاش ، قوليلها بس إني بسلم عليها " أختي تضحك وتنقل إلي كلامها وانفعالاتها . وفي اليوم التالي أبرر أنا موقفي بأنه " معلش " وأنه" راحت عليا نومة " فتخبرني بمنتهي البساطة " خلاص ابقي نامي بدري واصحي بدري " . ترسم تكشيرة صغيرة لمدة ثواني تقرر أنها الفترة الكافية لمعاتبتي . ثم تبتسم وتسألني " إنتي هاتروحي الكلية النهارده ولا هاتفضلي معايا؟ " أخبرها أني سأظل هنا طوال اليوم . تفرح وتذهب لتلعب مع الباقين . أنصحها ثانية أن تهدأ فتقول " لأ .. أنا شقية وأحب الشقاوة " . تلف وتدور ومرة أخري تسأل " أنتي هاتروحي الكلية النهارده ولا هاتفضلي معايا ؟ " . أؤكد لها أني فعلا سأظل معها ، تعطيني ابتسامة واسعة وتقول " عارفه بس كنت باتأكد " تتركني لتستكمل لعبها مع الباقين وتندمج في حركتها وصياحهم المستمر في محاولة لأن ينتظموا فريقين مناسبين للعبة شد الحبل .
31 التعليقات:
هى هاجر دى عايشة فين؟؟؟
هل سوداويتى هى اللى خلتنى اتخيل انها عايشة فى ملجأ؟؟؟
عموما انا بستمتع بحكاياتك اوى
على فكرة...اعز صاحبة ليا هتتجوز وتسافر بعيييييييييييييييييييييييييييييييييييييد
وانا مش قادرة اعترض ولا اتالم حتى
هههههههه
والله انتي تحفة يا بنت يا إنجي
هي هاجر مش عايشة في ملجأ ولا حاجة هي عندها بابا وماما وبيت وكل حاجه بس أنا فعلا اللي ماوضحتش مكان الأحداث .. أنا كنت باشوف هاجر في المسجد ، أيون .. في المسجد . كانت بتروح تحفظ معايا قرآن في الأجازة واللعب والتنطيط دا بردو كان في المسجد لان المسجد كبيييير فكانوا مخصصين فيه مكان للأطفال عشان يلعبوا بعد مايخلصوا حفظ وانا كنت باروح العب معاهم هناك بعد ماباخلص حفظ انا كمان :)
ربنا يحميلك صاحبتك اللي مسافرة ويرجعهالك بالسلامة :)
كلامك جميل
مبحبش اقرا حكايات غير هنا
ولا عوالم أنا مقدرش أرسمها ولا حتى أفكر فيها
تحياتى
فقرى
ازيك يا منون وحشاني والله
كنت لسه هنا امبار بقول يارب تنزل بوست جديد
عشان وحشتني بوستاتها قوي ...وربنا استجاب :)
بجد حكاية و موقف حلو قوي أحلى حاجه ف الدنيا
الأطفال اللى عندهم براءه كدا وحب بدون مقابل
اتمنى تنزلي بوستات كتير الاجازه جات اهي :)
الشاب الفقري اللي اسمه كريم ... ازيييييك :)
أحب أقولك ان الحكي المره دي بجد ، يعني البنت هاجر دي بجد فعلا بنت صغنططه كده وبلسانين ونص وتحب تقعد تتكلم معاها لما تكون نفسك في حبة دهشة :)
تحياتي ليك وليا ولينا كلنا :))
فرااااااشة
أيون ... هو كده بالظبط .. أنا اول ماشوفتك عملت كده
فينك بقي ؟ بقالي كتير ماشوفتيكيش :( وبعدين تعالي هنا لما انت كنتي هنا امبارح ماسيبتليش كومنت ليه وعملتي دوشه كده؟ عامة يعني أنا مبسوط اني شوفتك :):)
ربنا يخلى هاجر
جميلة قوي يا مني
مليانة شقاوة زي هاجر
أسلوبك رائع وشيق
يمكن دي تكون اول مرة اكتب فيها تعليق عندك
بس انا جيت هنا قبل كده
وعجبتني
تحياتي
صباح الفل
كنت متوقع ان الحقيقة عندك زى الخيال
جميلة ولا يمكن رسمها سوى بك
تحياتى
فقرى
صوت من مصر
ربنا يخلي هاجر فعلا :)
جميلة يا منى (أقصد التدوينة طبعا ههههههه).. لا بجد تدوينة جميلة.. يسعد صباحك
سقراط
ابقي تعالي علطول علطول يا فندم عم بلوجر بيبقي مبسوط
وبعدين تعال هنا بردو .... ازاي تيجي وماتخبطش عليا؟ هاه؟
انا ببقي قاعد جوا في الدفا .. ابقي تعالي انت بس :)
صباحك نور يافقري
تعرف ان انا بحب كلمة صباح الفل دي ، هي كلمة عادية يعني بس انا بحبها ، بحب صباح الفل وصباح النور ويسعد صباحك وكل الصباحات الحلوة دي
الله ياعمرو انت جيت :):)
طبعا التدوينه لازمن لازمن تبقي جميلة
وانا كمان جميلة ... أومال ايه ;)
يسعد أيامك كلها كلها يا عمرو
هل جئت متأخرًا إلى هذا الحد، أم أنهم كللهم .. فقط .. سبقوني
......
في الحقيقة أحب أن أستعيد المتعة، ومعها شعرت بوجوب التعليق مجددًا
رسم المشهد عندكٍ متقن، والسرد مرن، لم يفلت منك رغم علمك أنها مجرد إحساس على الورق، ولكنه جاء كأفضل ما يكون .....
يسلم قلمك وقلبك .. وإحساسك :)
انت لم تأت متأخرا ولا حاجة .. أبدا إطلاقا يعني
وبعدين انت تيجي وقت ماتحب وتعلق زي مانت عايز
تسلم يا إبراهيم :) :)
بجد بجد الله ينوّر..
تسلم إيدك يا جميل :)
دايماً كده متألقة ومقدمة لنا حاجات جميلة يارب
علياء
تسلمي من كل الحاجات الوحشة يارب :)
:)
بونبونة... عندي ليكي سؤال... ايه مصدر التفاؤل و البهججة في حياتك؟ يعني قولي لي عليه، عشان انا ، بالمقارنة بيكي، بافكر في الغامق و باكتب غوامق و الحاجت اللي متبهججة عندي قليلة اوي، اوي يا مني... نفسي اتبهجج زيك كدة...
بس سيبك انتي، انتي زي ما قلتلك... "انتي بهججة"
:) :) :) :) :) :) :)
أسماء يابسبوسة
ايه مصدر التفاؤل والبهججة؟
تصدقي والله مانا عارفه .. بس بصي انا باصحي كل يوم الصبح وابصلي في المراية واقولي صباحك خيييير يامنى انتي كويسة؟ وبعدين اضحكلي واقولي آه انا كويسة فابقي انا كمان كويسة بردو فاهمه حاجة ؟ ولما اكون متضايق ابصلي كده واقعد اقولي انتي ايه اللي مضايقك بس؟ طيب مين مضايقك وانا اشديهولك من ودانتينه واقعد احاول افرفشني وانا متضايقة والأخر باضحك علي محاولاتي اني افرفشني لانه بيبقي شكلي يضحك فعلا .. ابقي جربيها كده .. جربي تحاولي تضحكي نفسك هاتلاقي محاولاتك في حد ذاتها تضحك فتبقي انتي مبسوطه بقي وعلطول كدهو :):):):) ويبقي عندك طاقة حلوة تقدري تكملي بيها
منى ....
بنبونة ....
بسبوسة ......
وكل الحاجات والحلويات الجميلة دى
بصى بقى انتى فكرتينى ببنت خالتى
اسمها مريم ...عامله زى هاجر كده
الارنوب والفيل فلافيلو والثعلوب
بالظبط \
بس مريومة مسافرة ...ولسه مش هتيجى دلوقتى
وبحبها أوى ووحشانى أوى أوى
وانتى كمان واحشانى :):)
هبه
ربنا يخليلك بنت خالتك
وتيجي بالسلامة
وتشوفيها
واشوفك بقي
الاجازة قربت تخلص
:):)
أكيد يا بنبونتى عايزة اشوفك خالص مالص مالص \\
اكيد فى تليفون وهكلمك لاننى انا كمان نفسى اشوفك جدا جدا :):)
طب يعنى مفيش جديد بقى ولا ايه ؟؟؟؟
مش عارفة يا هبه :(
طب والله العظيم انتي فنانة (:
شكرآ لكِ
بقدر الجمآل الذي وجدته هنا
شكرآ لكِ
وحبي لك لن يموت
شكرا لك أيضا .. شكرا جدا :)
فين بقى الجديد بقى؟ ها؟ فين ؟ :)
غايبة ليه يا بنبونة
يا رب المانع يكون خير
:)
أنا جيت ... تاااتاااا
حطيت بوست جديد اهو .. اي خدمة :)
وربنا يخليني ليكوا طبعا أومال ايه D:
أسلوبك في الحكي ممتع.
شكراً.
إرسال تعليق