يكتب ، تمسح ، يكتب ، تمسح . ألف باء خط حلقة .. تمسح !! . لا تترك فوق الصفحة نقطة . يعاند فتعاند فتظل الورقة بيضاء . يرسم وجها بفم مستاء ، تمسح الفم . يعيد رسمه مرة أخرى ، تعيد مسحه مرة أخرى ، تغيظه و تخرج له لسانها . القلم كبير والقلم جديد .. سيكتب وستمسح ، هي ستنتهي وهو لا يزال فإذا كانت تريد مجاراته سيجاريها إذن .. وسيفوز. يرسم عمود إنارة ويضع خطوطا حول المصباح دلالة النور ، تمسح الخطوط و تطفئ النور . يعيد الرسم ويزيد بجوار العمود كلبا شرسا له أنيابا طويلة . تخاف . يضحك . تكتشف أنها ساذجة فتذهب وتمسح الأنياب ثم تمسح الكلب بأكمله وتخرج له لسانها مرة أخرى . ينظر إليها بغيظ ، ثم - دون أن تدرك تماما - يرسم حولها خيطا طويلا ، يلفها به ، تتعثر خطواتها وتقع . يشعر بنشوة انتصار ويكتب : أنا أقوى منكِ أنا سأغلب !! . لكنها ببساطة تمسح الخيط عن نفسها ثم تمسح كسرة حرف الكاف لتصبح جملته هكذا : أنا أقوى منك أنا سأغلب !!
هذه المرة يرسم على رأسها شعرا مهوشا وعلى ملابسها بقع صفراء وخضراء وحمراء ويكتب : انتي شكلك بقى مرعب . فتمسح – بعناية - أجزاءا من الشعر االمهوش وتصنع منه ضفيرتين ثم تبدأ في مسح أجزاء من البقع لتحولهم بالتدريج إلى فراشات وزهور صغيرة ملونة ، تقترب من الجملة التي كتبها فتمسح كلمة " شكلك " وتمسح الباء والياء من " بقى " والعين والباء من " مرعب " فتصبح الجملة هكذا : انتى قمر .
ينظر إلي الجملة الجديدة و لا يصدق مافعلته بجملته . ماذا ؟ قمر ؟ هى قمر !! .. لا يمكن . لكنه حين حول نظره من الجملة المكتوبة إليها وجد أنها فعلا قمر . بعد أن أصبحت تمتلك ضفيرتين و ملابس عليها رسومات مبهجة أصبحت قمرا رائعا خاصة بعد أن تخلت عن الوجه الذي يخرج له لسانه باستمرار . فأضاف إلى الكلمتين " انتي قمر " كلمة " قوي " . ظهر لون أحمر بخديها . تشجع و رسم قلبا فازداد اللون الأحمر واقتربت منه أكثر . حينها رسم وجها كبيرا مبتسما و كتب : انتظري . ثم تركها دقيقتين ملأ خلالهما الصفحة بعصافير صغيرة وحروف موسيقية ثم عاد و وقف إلى جوارها .
8 التعليقات:
حمدالله ع السلامة.
جميلة جداً.
الفكرة نفسها مميزة.
مشاكسة لطيفة.
أحسنتِ.
ياريت الدنيا كانت ببساطة ورقة نرسم فوقها الدنيااللي بنتمناها..قلم ميخطش غير اللي عايزينه بالظبط..واستيكه تمسك كل اللي يزعجنا...
العالم الجميل اللي رسمتيه هنا خلاني اتمني ده
:)
WINNER
بيفرحني تعليقك قوي على فكرة
شكرا ع الفرحة .. والله يسلمك يا فندم :):)
شرووووق
إزيك يا بسبوسة :)
لو ربنا كتبهالي وشوفتك هابقى أجيبلك قلم وأستيكة حلوين
ترسمي وتمسحي اللي انتي عايزاه .. يا سلام .. ولا يهمك خااااالص
اتمني انتي بس ;)
بجد انتي فعلا قمر
مش ممكن كم الرقة والكتابة المتميزة ديه
فكرة جديدة جدا مقريتش زيها قبل كده..
تعرفي انا نفسي دلوقتي ف استيكة امسح بيها كل حاجة وحشة حواليا وامسح كلمة "جوايا ألم" وبالقلم الرصاص اكتبها بكل وضوح "جوايا أمل"
ربنا يسعدك ويهنيكي يارب
يا طالبة يا بنتي أكيد أكيييد أنا قمر
بل أنا أحلى كمان أومااال ايه ;)
بالنسبة بقى للفكرة الجديدة
أحب أقولك ان أنا كلي جديد في جديد P:
شوية جد بقى
أهلا بيكي ياستي في بلوجي الصغنطوط
وبعدين انتي مش محتاجة أستيكة ولا حاجة
بصي .. انتي تشيلي ميم ألم وتروحي حاطاها مابين الألف واللام هاتلاقيها بقت أمل .. كدهو ... شفتي .. سحر سحر دا أنا عارفة .. تبهججي يا بنتي تبهججي
:)
جميلة يا منى
أعجبني التعديل الذي أجريته عليها
أشعر أنها أصبحت متماسكة أكثر
هي في كل الأحوال قصة جميلة
وفيها انعكاس من روحك الجميلة
بافرح قوي لما بكتب حاجة وتعجبك على فكرة
:) :)
إرسال تعليق