سأزرع في ركن الحجرة شمسا شتوية وأضيف إليها بعض الغيمات البيضاء
وبالخارج .. سأجعلها تمطر ، أدير المروحة العالية فتصنع موجات هواء
أملأ جيوبي موسيقي والباقي سيكفي لأن أصنع منه لعبا صغيرة أضعها علي رفوفي
المعلقة إلي الحائط ، أغلق باب الغرفة وعفوا .. أنا لا أريد إزعاجا !!
أجمع أشيائي ، قلم جديد وأوراق جديدة ، كتبي وفنجان قهوه فأنا أحب القهوه
معها يمكنني فعلا أن أبدأ نهارا جديدا حتي وإن كانت منتصف الليل
أقف أمام المرآه ، أصفف شعري بعنايه وأضع توكه مناسبة لما أرتديه
جاكيت وكوفية ... يكتمل كل شئ ويمكني البدء الآن
...
15 التعليقات:
توكلى على الله
حلو أوى خيالك يا بونبونة
ما شاء الله
خيال خصب
انا بقى بدل ما بزرع وبعمل كل دا
بقوم أنقع نفسى فى البلكونة فى عز التلج
وربك بيسهل الحال وبنبسط وببقى تمام
أنا كمان بحب القهوة
بس الكوباية بتاعتى ممكن تصحى فيل تلات شهور
اه والله
كوباية قهوة محترمة بجد
تحياتى
ومستنيين الرد على تعليق البوست اللى فات
شاب فقرى
كريم
الله ع الكلام الجميل اللى بيحمل معاني أجمل
ومن بنوتة أجمل واجمل
لا بجد تعبيرك حلو قوي
بس انا مبحبش القهوة ... ينفع نسكافية؟ :)
بس بجد ماشاء الله عليكي
بوست جميل قوي ..عجبني
"بداية" موفقة يا منى
:)
بدايه جمبله يا منى
تفتكرى ببساطة كده ممكن الواحد يبدأ صفحه جديده مع الدنيا والناس و كل اللى حواليه
تفتكرى ممكن البدايه تبقى من جواكى انتى بس
تفتكرى فى حد ممكن يساعدك انك تبداى البدايه دى
والله انا هسمع كلامك واجرب
وربنا يسهل :)
ضفتك عالفيس بوك خلاص
بالاكونت الجديد المهول
شاب فقرى
اكونت حلو كدا يليق بمدونتى الفقرية :$
شاب فقرى
يا مسهل.. استعنا على البداية بالله
:)
قوليلي يا بنبونة هو انتي ليه حذفتي البوست "هدية السماء" هاه؟
لو سمحتي انشريه تاني
أنا وصلني البوست كرسالة على فيس بوك بس فعلا كنت في أيام ما كنتش قادر أقرا فيها, وقريته بعديها بكتير قوي
سلام
شاب فقري
هما مافيش غيرهم .. القهوه والبرد
أكتر حاجات بتخليني مبسوطه
:)
فراشة
ينفع نيسكافيه وماينفعش ليه
شكرا علي مرورك الحلو دا
:)
أحمد
ربنا مايحرمني من طلتك عليا
انت عامل ايه ؟ كويس؟
:))
هبه
جربي .. لو لاقيتي الحاجات حواليكي ملخبطه
جربي تبدأي تاني من جديد ، تعرفي .. ساعات والله بينفع
:)
عمرو
عايز الصراحه ..
انا بعد مانشرته وقرأته قعدت اعيط
زي الأطفال الصغيرين وماباقيتش عارفه أسكتني .. رحت شايلاه
بس حاضر يا سيدي
"وش بيقولك منى هاتنشره تاني عشان خاطرك"
:))
:)
لو سمحتي يا منى إلغي التأكيد اللي بيطلب إدخال رموز ده عشان عملية التعليق تبقى أسهل
:)
بونبونتي الصغنونة،
بتحبي البرد و القهوة؟! نص بصرة... هع هع هع، انا بحب البرد و ريحة القهوة ، بس مش باشربها، لكن الكاكاو و جميع مشتقات الشيكولاتة بتعمل معايا احلي دمااااغ... سيبك انت بدايتك مالهاش حل، و علي راي احمد، بجاية موفقة
:)
ياخبر ابيض .. هو انتو عشان تحطو تعليق بيجيبلكو طلب تأكيد لإدخال الرموز الغريبه اللي تعمي دي !! ، أنا والله مابيعمل معايا كده ولا دا عشان البلوج بتاعتي أصلا فهو بيعديهالي من غير تأكيدات ؟؟
طيب ماحدش قالي من بدري ليه ؟ عامة حصل خير .. قولي أعمل ايه بقي عشان أشيل الرموز دي !! لأن انا فعلا فعلا مش عارف ولو قولتلك أصلا أنا عملت البلوج دي ازاي هاتقعد تتضحك من هنا لحد الصبح
(وش مش عارف حاجه وغرقان ف شبر ميه)
أيزولد
امممممم .. بتحبي ريحة القهوه بس
طيب تعالي وانا اعملك واحد ... لا لا لأ تلاته
تلاته قهوه علي الريحه واشربهم أنا .... ههههه
هو انا يعني هاجيبك من أمريكا لحد هنا عشان واحد بس
ايه احلي دماغ دي .. شكلك كده مش مطمني
مش انتي بردو كادبوري وجالكسي كده زينا ولا إييييه
;)
إرسال تعليق