يتم التشغيل بواسطة Blogger.
RSS

هدية السماء


اهداء :
إلي السماء .. لأنها فعلا تستحق
وإلي عمرو السيد


هو هدية السماء لي .. هدايا السماء كثيرة .. هدايا السماء مختلفة وهدايا السماء - في النهاية - يجب أن تعود إلي السماء . أشبك اسمه بطرف اسمي فيصبح للاسم معنا أكبر ، وأصبح أنا أكثر دلالة . يخبرني دائما أنني هادئ أكثر مما ينبغي لولد مثلي ، ولكنني ابن رائع وهو فخور بي . هو ليس كثير الكلام لكنه يبتسم لي دائما وهذا يكفيني .. أبي كان معنا منذ ساعات . لكنه وفجأه ، قد تقرر انتقاله من هنا

" أبي انتقل إلي رحمة الله "
يقولون أنه مات ، وعلي هذا الأساس يبدأون في قول أشياء أخري .. جمل مواساة ونظرات حزن لا أفهم لها معني الناس فعلا غريبو الأطوار .. من أخبرهم أنه مات !! . أنا لم أقل هذا ، أنا أقول " أبي انتقل إلي رحمة الله " هل يبدو في هذه الجملة أني قلت أنه مات ؟! . هو ليس موجودا هنا الآن .. لكن هذا لا يعني أنه ليس موجودا علي الإطلاق .هو فقط هناك ، وهناك تعني أنه تغير مكاني وحسب . فأنا لازلت أراه كل يوم ، أخبره صباح الخير فيردها بصباح نور ودعوة تصل دائما إلي الله .. يستجيب الله وينورلي طريقي

أبي هدية السماء لي .. لكن هدايا السماء مختلفة ، هدايا السماء يجب فعلا أن تعود إلي السماء
وهدايا السماء تظل دائما بقلبي إلي أن أذهب أنا إلي السماء لأشكرها بنفسي .

  • Digg
  • Del.icio.us
  • StumbleUpon
  • Reddit
  • RSS

13 التعليقات:

عمرو يقول...

مش عارف أشكرك إزاي يا بنبونة
أنا حبيت كلماتك قوي
:)

ponpona يقول...

ربنا يخليك ياعمرو ...
انا اللي مش عارفه اقولك ايه
لو كلمتيني دول عملوا جواك حاجه حلوه
يبيقي دا بالنسبالي كفايه ... كفايه قوي

:)

Heba Gamal Emara يقول...

جميلة أوى كلماتك يا بنبونة

"هدايا السماء مختلفة ، هدايا السماء يجب فعلا أن تعود إلي السماء
وهدايا السماء تظل دائما بقلبي إلي أن أذهب أنا إلي السماء لأشكرها بنفسي ."

وإن كانت أمنيتى الحقيقية ودعوتى التى تتكرر ملايين من المرات فى اليوم والليلة الا تعود هدايا السماء الخاصة بى إلى السماء ابدا
قبل أن اذهب أنا وأشكرها بنفسى على هداياها الرائعة

أحمد الشمسي يقول...

الفكرة كويسة...
بس المقطع الأخير مرتبك وكلمة السماء تكررت فيه بشكل متوال خلى وقعها رتيب شويتين.. ده غير انه مكرر لأن فكرة عودة هدايا السماء اليها اتقالت في الفقرة الأولى.

ده ما يمنعش اني استمتعت بالفقرة الأولى جدا. خصوصا في جملة" أشبك اسمه باسمي.. فأصبح أنا أكثر دلالة".

sookra يقول...

حلو كلامك يابونبونايه
وقصه حلو وطبعا ماليش فى النقد الادبى
تحياتى

شاب فقرى يقول...

عجبتنى وبهرتنى

انا كنت داخل عشان أخد بوست من هنا أحطه عندى كوبى وأحط الرد بتاعى

بتاع جناحان صغيران

لكن كلماتك دى

فكرتنى بحاجات كتير

غيرت المود

قلت كفاية كدا

لازم أنام بعد ما كنت خلاص هعمل قهوة وأنام

لازم منزلش البوست ناو

لأن أى حد هيقرأ ما كتبتى فى هذا البوست

هينسى كل حاجة وهيركز فى دى بس

بجد أعجبنى ما كتبت

لا يهم التكرار

المهم أن يصل المعنى بالشكل المطلوب

ربما جاء تكرار كلمة السماء لجعل القارىء ينسى تماما فكرة الموت

وبأن بطل القصة الغائب وهوا الأب قد مات

دا نقدى لأحد الأراء اللى قالت غن إقاع كلمة السماء فى الفقرى الأخيرى مكانش كويس

خالص تحياتى وتقديرى

شاب فقرى


عايز أقول حاجة تانى

بس نسيت

أو بتناسى

صحيح

إزيك :$

أميرة علي كوكب مهجور يقول...

حلو اوي البوست ده صحيح هو فعلا تغير مكاني بيرحوا للمكان الصح الاحسن :(

المدونه حلوة اوي

ponpona يقول...

السلام عليكم

هاجي تاني أرد عليكم واحد واحد....
أوكيه ... سلام بقي

:):):):):):):):)
:):):):):):):):):):):)

ponpona يقول...

هبه
مش بادينا ياهبه كل حاجه لازم ترجع!!

ponpona يقول...

أحمد
تصدق انا عمري ما أخدت بالي ان الكلمه اتكررت كتير قوي كده ..
دي اتكررت 6 مرات في سطرين اتنين !!
بس عارف بردو أنا عمري ما قريت السطرين دول مره واحده
دايما باقف في نصهم

ponpona يقول...

سكره
شكرا علي زيارتك ومجاملتك
:)

ponpona يقول...

شاب فقري

تعرف .. انا باعترف بالموت في أي حاجه إلا موت الأشخاص يعني ممكن زرعه تتدبل وتموت ممكن ذكري تتنسي وتموت لكن شخص يموت !! الموت يعني اختفاء لكل علاقه أو أثر للحاجه اللي ماتت ودا عمره مابيحصل مع البني آدمين لأن الحد اللي مات بيبقي لسه جوانا وفي كل حاجه حوالينا .. يعني الموضوع بيبقي تغير مكاني الي حد كبير
" أستطيع أن أقول أن علاقة جديدة من نوع آخر بدأت بيني وبينه " .. الجمله دي قالها عمرو وانا مقتنعه بيها تماما

شكرا ليك يافقري علي كلامك دا واحب اقولك ان انا كويسه الحمد لله

ponpona يقول...

أميرة
عندك حق .. مادام ربنا عمل كده يبقي دا الأحسن
شكرا لزيارتك

:)

إرسال تعليق