يتم التشغيل بواسطة Blogger.
RSS

أمنيات سعيدة

الأمنيات السعيدة والزهر الأزرق والمطر يعرفونه منذ زمن وأصبح من المعتاد رؤية بعض النسمات الخفيفة تستريح علي سور منزله أو سحابات بيضاء تتجمع بجوار النافذة .
سكان المدينة جميعهم أصبحوا يعرفونه الآن ويزورونه باستمرار , بعضهم يريد أغنيات وردية للأيام الباردة ، وبعضهم يريد اصلاح ذكريات قديمة .. لأنها كانت ذكريات سعيدة ولأنها كانت تلمع لكن لمعانها بدأ يخبو بمرور الوقت . والكثير منهم لا يطلب شيئا ، فقط يجلسون قليلا ، يعطونه أشيائهم القديمة ويستبدلونها بكوفيات جديدة ملونة .
الأطفال الصغار أيضا يأتونه باستمرار .. يعرفون أن طائراتهم الورقية المفقودة تعلق بالسحاب وفي النهاية يأتي بها السحاب إليه . الأطفال الصغار هم أطفالا صغارا ، وكالعاده يتبادلون الحكايات ، حكايات صغيرة ... أخبرهم بها آباؤهم ويخبرون بها بعضهم . يقول أحدهم أنه في المرة السابقة التي فقد فيها طائرته وذهب ليستردها رأي هناك حديقة صغيرة في ركن الصالة وحين سأله عنها أخبره أنها حديقته البسيطة التي يزرع فيها زهورا زرقاء .. فقط زهورا زرقاء ، لأنها وحدها يمكنها أن تتحول إلي أمنيات سعيده حين تكبر ثم أعطاه زهرة صغيرة وأوصاه أن يغمر عودها في الماء والسكر وأن يضعها علي حافة النافذة كي تزورها الشمس لأن الأمنيات لن تكتمل أبدا ان لم يكن هناك شمسا . يقول الولد الصغير أنه فعل تماما مثلما أخبره و زهرته الآن فعلا أصبحت أكثر قوة وبدأت أوراقها تكتسب أخضرا أكثر لمعانا ، ويقول أن أمنيته بالفعل بدأت أجزاء منها في التحقق ، فهو قد رأي بالأمس غيمتين صغيرتين جدا جدا تقتربان من نافذتة وبعض النسمات أتت وألقت عليه التحية ثم غادرت .

  • Digg
  • Del.icio.us
  • StumbleUpon
  • Reddit
  • RSS

19 التعليقات:

عمرو يقول...

أهلا منى
أنا دلوقتي ما بقيتش عارف هل انتي بتدوني فقط ولا بتكتبي أدب كمان.. يعني هل أحكم على اللي انتي بتكتبيه على انه عمل أدبي فأقوم نازل نقد, ولا مجرد تدوين شخصي فأقرا وأحط لساني في بقي؟
على العموم أنا مش عاجبني لون الزهر الأزرق لأن الأزرق معناه الموت أنا باحب الأحمر لون الدم والحياة والانفعال والغيرة. عجبتني قوي جملة "لأن الأمنيات لن تكتمل أبدا ان لم يكن هناك شمس".
مستني ردك يا منى
:)

ponpona يقول...

عمرو

لأ يا عمرو .. أنا بحاول أكتب حاجه ، مش تدوين فقط يعني كل اللي انت عايز تقوله قوله أنا عايزه أعرف ويهمني حكمك .. اوعاك تكون عايز تقول حاجه وماتقولش .. ماشي يا عمور :)


بالنسبه بقي للون الأزرق فانا بحبه ،
أنا بحب الزهر اللي لونه أزرق بيبقي شكله هادي وبسيط

مستنيه نقدك
:)

شاب فقرى يقول...

كلامك بيريح اعصابى وبينقلنى لعالم تانى

عشان كدا باجى هنا كتير

وبقرا الكلام اكتر من مرة

لا مجال للنقد

سيبك إن فى بعض العيوب

لكنها مميزات من وجهة نظرى

فى ضمائر كتير وأسلوب الحكى معقد شوية

بس جميلة والله :)

فقرى كان هنا

يارب تكونى بخير

ponpona يقول...

أهلا بيك يافقري

أشكر لك فعلا اهتمامك وماتبعتك
أنا أهتم لكل الآراء و للنقد ايجابي أو بالسلب
لو انت شايف حاجه ابقي قولهالي ... أنا فعلا اهتم :)
أهلا بيك مره تانيه

أسما يقول...

بونبونتي،

معلش علي جنب حبة كدة، ماله يا عمرو الورد الازرق، ها؟ و مين قال انه لون الموت... الورد الازرق هااااادي و نااااادر و مفيش منه كتير عشان كدة انا بحبه... الورد الاحمر ده... اوفففف يعني لازمن تستفزني، انا مش بحب الورد الاحمر خالص...

ما علينا، كلامك هادي اوي يا بونبونة، انت و مصطفي فيكوا شبه كبير من بعض، اقصد في الكتابة يعني... ربنا يخليكوا للغلابة اللي زيي
:)

noon kiko يقول...

بونبونه
ايه ده العيله كلها هنا ولا ايه
اولا وحشتينى موووووووووووت وجيت اعرف اخبارك
ثانيا كلامك بالظبط زى ماقال فقرى بيريح الاعصاب جدا وانا كمان بحب اللون الازرق جدا خاصة ف الورد..التدوينه دى محتاجه بس حاجه مش عارفه هى ايه بالضبط وتبقا قصه
اقولك حاجه فعلا غريبه
كلامك يشبه كتير كتابة مصطفى السيد سمير مش عارفه ليه..بس هو له نفس الاسلوب الخيالى الشاطح اللى بتكتبى بيه وكمان له حب للون البحر للا وهو الازرق..
بس بصراحه اسلوبكم انتو الاتنين ف الكتابه مريح جدا للاعصاب وانا بستمتع بقرائته

غير معرف يقول...

اية موضوع شبهي دي
انا مفيش استنساخ مني
:)))

اوعي تصدقي
انا احب جدا يكون فيه تلاميذ لمدرسة الخيال الشاطح بتاعتي
بحس اني قدمت خدمة للبشرية


جميل كمان ان اسلوبنا مريح للأعصاب
بكرة يتحط في الصيدليات :
تدوينة لمنى عالريق كل يوم
او قصة لمصطفى في الوريد كل ست ساعات

أحمد الشمسي يقول...

مدرسة الخيال الشاطح دي، مدرسة الخيال المريح للأعصاب، محتاجة حد متفائل للغاية، وده مناسب جدا لواحدة لسة في سنة ثالثة طب. لكن واحد زي مصطفى سمير أنا لسه بسأل نفسي هو بيكتب خيال شاطح ومتفائل ليه؟

:))))

الورد الأزرق ما فيهوش أي مشاكل، والقصة جميلة بس حاولي تتخلصي من بعض التكرار، تكدس الألفاظ المتشابهة على مساحة صغيرة مش لطيف في القصة القصيرة، وحاولي بعد كده تركزي على خيط درامي قوي يبقى أساس القصة، الحاجة اللي مش بمل من اني اقولها هو ان الحدوتة هي أصل القصة، أنا في القصة مش هدور على تصوير وخيال زي الشعر قد ما بدور على حدوتة تشدني.

ده ما يمنعش ان فعلا كتابتك مريحة للأعصاب.
:))))

Heba Gamal Emara يقول...

انا فاكرة انى كتبت تعليق على البوست ده
بس مش عارفه راح فين

على العموم كالعاده ولا يوجد جديد
كلماتك جميلة ومعبرة

ومريحة للاعصاب
وبالنسبه لحرب المشاتل اللى موجود عندك
فأنا هنا اسجل اعجابى الشديد جدا جدا جدا باللون الاحمر فى الورود
واللون الازرق فى لون البحر والسما

ponpona يقول...

أيزولد

ويخليكي انتي كمان يا بسبوسه
أومال مين اللي هيعمل هيصه هنا

:))

ponpona يقول...

زهره
بصي احنا نعمل جمعيه محبي اللون الأزرق .. ايه رأيك
بالنسبه بقي للون الأزرق فانا بحس ان الأزرق دا كون براح
بس عامة انتي عامله ايه ؟
يارب تكوني كويسه

:))

ponpona يقول...

مصطفي واحمد وهبه
معلش انا المفروض اقوم
بس بكره ان شاء الله هابقي آجي تاني .. أوكي

تصبحوا علي خير بقي كلكو
:))

noon kiko يقول...

انتى يا آنسه
فين الكويز
روحى يا هانم استلمى الطرد اللى ليكى ف مدونتى ياللى بطلتى تزورينى
:(

Heba Gamal Emara يقول...

هى بطلت تزورك انتى بس
يلا
كله على الله
:):):):):):):)

ponpona يقول...

مصطفي
ايه رأيك فعلا نفتح مدرسة
ونحط اليافطه علي باب البلوج بتاعتك

هنا مصطفي السيد سمير ... واحد مش عايش معانا بالمره

:))

ponpona يقول...

أحمد
يعني انا هاكتئب بعد كمان سنه ولا اتنين .... عااااا

بالنسبه بقي لمصطفي .. أنا بردو مش عارفه ،
تخيل في آخر بوست ليه بيقول ان هو والمطر أصحاب !!!

وش مبسوط مبسوط من نقدك ده
:)

ponpona يقول...

هبه

"حرب المشاتل " حلو قوي قوي التعبير دا يا بسبوسه
حسستيني انهم قاعدين يحدفو بعض بالورد
بالنسبه بقي لتعليقك اللي كان هنا وضاع .. تعاليي ندور عليه
تلاقيه راح هنا ولا هنا .. ولا ممكن يكون مستخبي تحت الترابيزه
أنا مش قولتلك قبل كده ماتسيبيهوش لوحده دا لسه صغنطط

ميرسي ليكي قوي يا هبه

:)

ponpona يقول...

زهره

آه ياني يا مظلوم علطول ياني ..
هو كده وسط اخواته دا علطول مظلوم :(
انا باطلت ازورك ... مين قالك كده
طيب دا انا لسه جايه من عندك أهو
ممكن أعرف بقي ايه الفرح اللي انتي عاملاه عندك ده .. ايه الحروف اللي داخله ف بعضها دي .. انتي بتضحكي علينا يا سمسمه ؟ تدبسينا في الكويز وتروحي انت حاطه كلام مايتقريش .. حاجه غريبه والله !!!

أنا معترض

:))

ponpona يقول...

هبه

معلش فعلا ع التأخير ..
كانو شويه حاجات وراحم لحالهم

بس انا جاي بالليل
;)

إرسال تعليق