يتم التشغيل بواسطة Blogger.
RSS

حنـيـن



إليـها
لأنني أفتقدها جدا ولأنها الآن تقضي العيد بعيدا بعيدا

أنا أضع الآن نجوما زرقاء صغيرة بسماء الغرفة كي تحرس لياليك وأضمن أن بدايات نهارك ستكون سعيدة . سأملأ الجو نسيما هادئا وأضع سحابات بيضاء ، وأعلق أيضا في الفراغ بالونات هيليوم بتركيزات مختلفة .. ما رأيك ؟ سأرسم لكي قوس قزح علي الجدران ، قوس قزح مختلف ، انحناءته ستكون لأعلي فيمكنك ببساطة رسم عينين لامعتين كعينيكي هذه ويتحول إلي وجه مبتسم ، يمكنك أيضا استعارة ألوانه فتصنعي منها رداءا واسعا تمتد إلي المسافات البعيدة أطرافه تماما مثل الملكات . فضعي الآن زهرة وردية علي حافة النافذة واخرجي إلي العالم ، اكتبي تذكارات صغيرة علي بالونات الهيليوم وابعثي بها إلي الأصدقاء . ولا تخشي علي شيئا بعد الآن صديقتي فعالمي الصغير ينعم بهدوء أكثر طالما أنت هنا .

  • Digg
  • Del.icio.us
  • StumbleUpon
  • Reddit
  • RSS

20 التعليقات:

Cute Kitty **sookra يقول...

بونبونايه

دى خاطره زىالبنبونى كدا
رقيقه وبتخلص بسرعه واحنا نتمنى انها تستمر اطول من كدا
كل سنه وانتى طيبه

Cute Kitty **sookra يقول...

بونبونايه
انا جيت تانى
يارب فقرى مايضربنيش عشان اخدت اول وتانى تعليق
بس ايه حبك فى اللون الازرق
ورد ازرق
بالونات زرقاء
وصف رائع بجد
والله موش مجامله
انا صحيح بدخل مدونات كتير بس فيه حاجات بتلمسنى اوى
زى بوست وحيدون بتاعك دا
كنت كل مااقراه اعيط
ومكنتش بعلق قبل كدا
تصبحى على خير

فراشة يقول...

انا جييييييييييت
وحشتينى يا منمن والله

ايه الكلام الجمييييييييل دا
احساسك جميل قوووووي والله
طيب ممكن بالونة من دول ليا نفسي ف واحده قوي

عيد جميل وسعيد عليكي يارب

Heba Gamal Emara يقول...

يا بختها .....

جارة القمر يقول...

ممممممم بتحبى حد غيرى يا منى كدا برضو :(
طب فين قوس قزح بتاعى انا بقى مش ليا دعوة انا عايزة واحد :(

كل سنة وانتى طيبة يا جميلة

noon kiko يقول...

معلش يابونبونه
الاول كل سنه وانتى طيبه
ثانيا هاتيلى ودن هبه عماره اشدها
اللى مابيتمكر فيها حاجه دى
البت دى مصره تستفزنى
يابت اومال انا بعمل ايه بالنسبالك
جايه تقوللى يابخت بونبونه بصحبتها
يابت اومال انا ايه شوال بطاطا
وربنا لماشى
ماشى ياهبه


بونبونه
والله يابت انتى عسل
وانا بموت فيككى
واما اجى القاهره المره الجايه هشوفك ان شاء الله وهبه لا
بس
هه
:)

amirelhob يقول...

بوست جميل وتقريبا دى اول مره اجى هنا وبجد نورتى عالم التدوين وبكلمك ومن قلبى بتمنى انى متبقاش اخره مره اجى هنا وعلفكرا عاجبن اوى الكلمه اللى about me
لانها فيها كتير اوى من ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

أحمد الشمسي يقول...

جميل الخيال اللي في النص، وإن كان مش جديد. انت أكيد واعية ان النص ما نقدرش نقول عليه قصة قوي لكنه مع ذلك خاطرة جميلة.

حاجة كمان عايز اقولك عليها:حاولي ما تكرريش مفرداتك.

كل سنة وانت طيبة

أحمد الشمسي يقول...

بالمناسبة هو انتي بتذاكري في العيد كمان ولا إيه؟

ponpona يقول...

سكرة
اهلا بيكي هنا علطول
زرونا تجدوا ما يسركم ..... تاتاتاتاتاااااا

:)

ponpona يقول...

فرشة
انتي بقالك كتير مش بتيجي ليه؟ يارب تكوني كويسه
بالنسبه للبلالين .. اختاري اللي تعجبك يا سمسمه
:)

ponpona يقول...

هبه
يا بختي انا

ponpona يقول...

جارة القمر
أنا لفيتلك واحد قوس قزح وبعتهولك بالسحاب بتاعه كمان

أي خدمة :)

ponpona يقول...

زهرة
عارفه لو جيتي القاهره ومشيتي من غير ما شوفك ..
هازعل قوي قوي جدا خالص يعني انا باقولك أهو

:)

ponpona يقول...

أمير الحب
شكرا ليك قوي جدا خالص بردو منورني والله
وميرسي علي كوووووول الدعوات دي
:)

ponpona يقول...

أحمد يا شمسي
والله بانبسط لما بالاقيك هنا ، انت عامل ايه؟ كويس؟
طيب الحمد لله ان انت كويس .. انا كمان كويس ومبسوط رغم اني مش عارف ليه
أنا عارفه انها ماتنفعش قصه باي حال من الأحوال ، انا اصلا مش كاتباها عشان تكون قصه وكل سنه وانت طيب يا أحمد إلا قولي صحيح .. هو انا ممكن اسأل سؤال؟ طيب .. هما ليه بيقولو كل سنه وانت طيب!! اشمعني يعني طيب تحديدا !! يعني بقيت السنه نبقي شوريرين يعني.. حاجه غريبه والله . ليه مانقولش كل سنه وانت مبسوط ؟! بيتهيألي مبسوط أحسن . أنا كل ما سأل حد يقولي ماعرفش احنا طلعنا لاقيناهم بيقولوا كده معرفش هما طلعوا فين الصراحه ولا مين اللي بيقولوا دول بس أهو أنا بقي لحد مايبانلي صاحب هاقول كل سنه وانت مبسووووووووط

بالنسبه بقي لمذاكرة ... عاااااااااا :(
بقالي تلات تيام مسافره ولله الحمد مافتحتش فيهم كتاب بس خلصت فيهم نص روايه أطياف لرضوي عاشور ولسه جايه أهو المفروض بقي اروح اتلم واشوف ورايا ايه

كل سنة وانت مبسوط يا أحمد
:))

Unknown يقول...

على فكرة انا ابتديت اقتنع انك بتعرفى تعملى الحاجات دى بجد

بجد انا مقتنعة انك بتعملى الحاجات الخارقة دى...

كل سنة وانتى كويسة

ponpona يقول...

انجي
ازيك يا بسبوسه عامله ايه؟
طيب ماهو الحاجات دي ممكن تتعمل بجد
سوبر هيرو أنا ...
ههههههه

:)

شاب فقرى يقول...

((

ولا تخشي علي شيئا بعد الآن صديقتي فعالمي الصغير ينعم بهدوء أكثر طالما أنت هنا .

))

بس كدا

ponpona يقول...

كريم
هو بس كده فعلا
:)

إرسال تعليق